ପ୍ରବନ୍ଧ

ସନାତନର “ସ” ଅକ୍ଷର

Biswajeeban Mishra's odia prose Sanaatanar Sa Akshyara

ସାର୍ବଭୌମତାର “ସ” ଅକ୍ଷର ବୁଝୁ ନ ଥିବା ସାମାଜିକ ଏକତାର ଭକ୍ଷକମାନେ ଆଜି ନିଜେ ନିଜେ ସନାତନର-ରକ୍ଷକ

ସନାତନର "ସ" ଅକ୍ଷର

ଶହ ଶହ ବର୍ଷର ଉପନିବେଶବାଦ, ବାହ୍ୟ ଶତ୍ରୁ ଆକ୍ରମଣ, ଲୁଟ ତତାଜ, ଶୋଷଣ ପରେ ମଧ୍ୟ ଅତୁଟ ରହିଥିବା “ସନାତନ ଜୀବନ ଧାରା” କିଛି ଉଗ୍ର ସାମାଜିକ ତତ୍ତ୍ୱଙ୍କ ଆଖିରେ ଆଜି କୁଆଡେ ହଠାତ୍ ଅସୁରକ୍ଷିତ ହୋଇ ପଡିଛି ! “ସାର୍ବଭୌମତା” ସନାତନ ପରମ୍ପରାର ମେରୁଦଣ୍ଡ। “ଏକତା” ସନାତନ ପରମ୍ପରାର ପ୍ରାଣକେନ୍ଦ୍ର। ହେଲେ ଦେଖ ସାର୍ବଭୌମତାର “ସ” ଅକ୍ଷର ବୁଝୁ ନ ଥିବା ସାମାଜିକ ଏକତାର ଭକ୍ଷକମାନେ ଆଜି ନିଜେ ନିଜେ ସନାତନର-ରକ୍ଷକ।

ଅଜ୍ଞାନ ପ୍ରସୂତ ପ୍ରତିଯୋଗୀତା ମୂଳକ ଅସୂୟା ଭାବ, ସଙ୍କୁଚିତ ଏକଚାଟିଆ ପ୍ରବୃତ୍ତି, ଖଣ୍ଡିତ ବିଶିଷ୍ଟତାର ବିଚାରରୁ ଉଗ୍ରବାଦର ଜନ୍ମ !

ସନାତନ ସେଇଠି ଯେଉଁଠି ସମସ୍ତ ଭିନ୍ନତାକୁ ସମ୍ମାନ ପୂର୍ବକ ହାତ ମେଲି କୋଳେଇ ନିଆଯାଏ । ସନାତନ ସେଇଠି ଯେଉଁଠି “ପନ୍ଥା ଅନେକ ହେଲେ ବି ସତ୍ୟ ଏକ” ବୋଲି ଜାଣି ସଭିଙ୍କୁ ବିଶାଳ ହୃଦୟରେ ଆଦରି ନିଆଯାଏ । ସନାତନ ସେଇଠି ଯେଉଁଠି ବାହ୍ୟ ପ୍ରତୀୟମାନ ସମସ୍ତ ଅନ୍ତର ମଧ୍ୟରେ “ଅନନ୍ତ ଏକତ୍ଵକୁ” ପୂଜା କରାଯାଏ । ସନାତନ ସେଇଠି ଯେଉଁଠି ଗଠନାତ୍ମକ ସମାଲୋଚନାରେ ମୁଣ୍ଡକାଟର ଭୟ ନ ଥାଏ ! ସନାତନ ସେଇଠି ଯେଉଁଠି ସଂସ୍କାରମୂଳକ ଜନ ମଙ୍ଗଳକାରୀ ପରିବର୍ତ୍ତନକୁ ସହର୍ଷ ଚିତ୍ତରେ ଗ୍ରହଣ କରି ନିଆଯାଏ ।

ସନାତନ “ଉଗ୍ର” ନୁହେଁ ! ସନାତନ “ଉଦାର” !
ସନାତନ “ଭକ୍ଷକ” ନୁହେଁ ! ସନାତନ “ରକ୍ଷକ” !
ସନାତନ “ପରାଧୀନ” ନୁହେଁ । ସନାତନ “ସ୍ୱାଧୀନ”!
ସନାତନ “ଅଖଣ୍ଡ” ! ସନାତନ “ଅମୃତ” ।
ସନାତନ “ଜୀବନ”! ଜୀବନ “ସନାତନ” !

ଲୋକପ୍ରିୟ ଲେଖା

To Top