ପ୍ରବନ୍ଧ

ୱିକିପିଡିଆ : ବିଶ୍ଵର ସର୍ବ ବୃହତ ଜ୍ଞାନକୋଷ

Adhyapaka Susant Purohit's Odia prose wikipedia bishwara sarba bruhata gyanakosha

ଏହି ସମସ୍ତ ତଥ୍ୟ ମୂଳ ଇଂରେଜୀ ୱିକିପିଡିଆ ସହିତ ସାରା ପୃଥିବୀ ର ୨୮୦ ରୁ ଉର୍ଦ୍ଧ ଭାଷା ରେ ଉପଲବ୍ଧ ଥିବା ୱିକିପିଡିଆ ସ୍ଥାନିତ ହେଇଥାଏ ଇଣ୍ଟର୍ନେଟ ଜରିଆରେ ।

ୱିକିପିଡିଆ : ବିଶ୍ଵର ସର୍ବ ବୃହତ ଜ୍ଞାନକୋଷ

ଜାନୁୟାରୀ ୧୦,୨୦୦୧ ରେ ଆରମ୍ଭ ହେଇଥିବା ୱିକିପିଡିଆ ବିଷୟ ରେ କୁହାଯାଏ ପୃଥିବୀର ଏପରି କୌଣଶୀ ବସ୍ତୁ ବା ବିଷୟ ନାହିଁ ଯାହା ଉପରେ ସବିଶେଷ ତଥ୍ୟ ଏଥିରେ ଉପଲବ୍ଧ ନାହିଁ । ଏହା ବସ୍ତୁତ ସମ୍ପୂର୍ଣ ସତ ନ ହେଲେ ଭି ସତ୍ୟର ନିକଟତର ଉକ୍ତି । ଏହା ୱିକିପିଡିଆ ବ୍ୟବହାର କରୁଥିବା ସମସ୍ତେ ନିଶ୍ଚୟ ସ୍ଵୀକାର କରିବେ । ଏହି ସମସ୍ତ ତଥ୍ୟ ମୂଳ ଇଂରେଜୀ ୱିକିପିଡିଆ ସହିତ ସାରା ପୃଥିବୀ ର ୨୮୦ ରୁ ଉର୍ଦ୍ଧ ଭାଷା ରେ ଉପଲବ୍ଧ ଥିବା ୱିକିପିଡିଆ ସ୍ଥାନିତ ହେଇଥାଏ ଇଣ୍ଟର୍ନେଟ ଜରିଆ ରେ । ବର୍ତମାନର ଆକଳନ ହିସାବରେ କେବଳ ଇଂରେଜୀ ଭାଷାରେ ୫ ଲକ୍ଷ ରୁ ଉର୍ଦ୍ଧ ଦଲିଲ ,୪୦ ଲକ୍ଷ ରୁ ବେଶୀ ପ୍ରୁଷ୍ଠା ରହିଛି ଯେଉଥିରେ ବାର୍ଷିକ ୮ ଲକ୍ଷ୍ୟ ସମ୍ପାଦନ କାର୍ଯ୍ୟ ହେଇଥାଏ । ଏଥିରେ ୨୯ ଲକ୍ଷ୍ୟ ପଞ୍ଜୀକୃତ ବ୍ୟବହାରକାରୀଙ୍କ ସହ ୧୨୯୪ ଜଣ ଅବୈତନିକ ସମ୍ପାଦକ ମଧ୍ୟ ରହିଥାନ୍ତି । ଏହା ସହ ବିଶ୍ୱବ୍ୟାପୀ ସବୁ ଦେଶରେ ତାଙ୍କ ଭାଷା ର ୱିକିପିଡିଆ ରେ ଇଂରେଜୀ ଭାଷା ରେ ଥିବା ଅନେକ ଦଲିଲ ର ଅନୁବାଦ ସହ ତାଙ୍କ ଦେଶର ଅନେକ ନିଜସ୍ଵ ତଥ୍ୟ ସମ୍ମିଳିତ ପ୍ରୁଷ୍ଠା ମାନେ ଉପଲବ୍ଧ ହୁଏ । ସାରା ପୃଥିବୀ ର ଛାତ୍ର ଓ ଗବେଷକ ମାନଙ୍କ ପାଇଁ ୱିକିପିଡିଆ ଠାରୁ ଅଧିକ ମୂଲ୍ୟବାନ ଓ ଆବଶ୍ୟକୀୟ ତଥ୍ୟ ସଂଗ୍ରହର ସ୍ରୋତ ନାହିଁ ।

ବହୁ କାଳରୁ କୌଣଶୀ ବିଷୟ ରେ ଜାଣିବା ପାଇଁ ” Encyclopaedia Britanica” ରହିଥିଲା ପୁସ୍ତକ ଆକାରରେ । ୧୫ ରୁ ଉର୍ଦ୍ଧ ବିରାଟ ଆକାର ର ଏହି ପୁସ୍ତକ ରେ ବହୁତ ବିଷୟ ଉପରେ ତଥ୍ୟ ସମ୍ମିଳନ କର ଯାଇଛି । କିନ୍ତୁ ତାହା ପୁସ୍ତକ ଆକାର ରେ ଥିବାରୁ କେବଳ ଲାଇବ୍ରେରୀ ମାନଙ୍କରେ ଉପଲବ୍ଧ ହେଇଥାଏ ଏବଂ ସେଥିରୁ କୌଣଶୀ ବିଷୟ ଖୋଜିବା ମଧ୍ୟ ସମୟ ସାପେକ୍ଷ । ୱିକିପିଡିଆ ଇଣ୍ଟର୍ନେଟରେ ଉପଲବ୍ଧ ହଉ ଥିବାରୁ ଏବଂ ଏବେ ଘରେ ଘରେ କମ୍ପୁଟର ଓ ଇନ୍ଟରନେଟ ର ସୁବିଧା ଥିବାରୁ ସମସ୍ତେ ଏହା ଖୋଲି ପାରୁଛନ୍ତି । ଏପରିକି ମୋବାଇଲ ରେ ମଧ୍ୟ ଜଣେ ସବୁଠାରେ ୱିକିପିଡିଆ ଖୋଲି ବଟନ ଟିପ ରେ ହିଁ ଯେ କୌଣଶୀ ତଥ୍ୟ ବିଷୟ ରେ ଜାଣିପାରିବ । ଏଠାରେ ଉଲ୍ଲେଖ କରା ଯାଇ ପାରେ ଯେ , ଯଦି କେବଳ ଇଂରାଜୀ ୱିକିପିଡିଆ ର ସମସ୍ତ ତଥ୍ୟ କୁ ପୁସ୍ତକ ଆକାର ରେ ପ୍ରକାଶ କରା ଯାଏ ତାହା ୧୨୦୦ ଟି Encyclopaedia Britanica ଆକାର ବିଶିଷ୍ଟ ହେଇଯିବ !!! ଏହା ବ୍ୟତୀତ ସବୁଠୁ ବଡ ସୁବିଧା ହେଲା ଏଥିରେ ଯେ କୌଣଶୀ ବିଷୟ ଖୋଜିବାର ସୁବିଧା । କେବଳ ସର୍ଚ ବାର ରେ ବିଷୟ ଟି ର ନା ଦେଇଦେଲେ ମୁହୂର୍ତକ ମଧ୍ୟ ରେ ସେହି ବିଷୟ ବାହାରି ଯାଏ ପାଠକ ପାଇଁ । ଏଥିରେ ଅନବରତ ଭାବେ ନୂତନ ତଥ୍ୟ କିମ୍ବା ସଂଶୋଧିତ ତଥ୍ୟ ସ୍ଥାନିତ କରା ଯାଉଥାଏ ।

ୱିକିପିଡିଆର ଏତେ ସଂପ୍ରସାରଣ ଓ ସଫଳତା ର ମୂଳ କାରଣ ହେଲା ସର୍ବସାଧାରଣଙ୍କ ସମପୃକ୍ତି । ଏଥିରେ ଯେ କୌଣଶୀ ଉପଯୁକ୍ତ ବ୍ୟକ୍ତି ଚାହିଁଲେ ନିଜେ ଯୋଗଦାନ କରି ନୂଆ ଲେଖା ଦେଇ ପାରିବେ କିମ୍ବା ଆଗରୁ ଥିବା ଲେଖା ରେ ନୂତନ କିଛି ଯୋଡି ପାରିବେ ବା ସଂଶୋଧନ ଦରକାର ଥିଲେ କରି ପାରିବେ । ଏହାର ପରିଚାଳନା ପାଇଁ ସାଧାରଣ ଲୋକଙ୍କ ଭିତରୁ ହିଁ କିଛି ଅଭିଙ୍ଗ୍ୟ ଲୋକଙ୍କୁ ସମ୍ପାଦକ ବା ସହ ସମ୍ପାଦକ ଦାୟିତ୍ଵ ଦିଆ ଯାଇଥାଏ ଯାହାକି ଅବୈତନିକ ସେବା । କୌଣଶୀ ଆଗ୍ରହୀ ଲୋକ ଏଥିରେ ନିଜର ଯୋଗଦାନ କରିବାକୁ ଇଚ୍ଛା କଲେ ସେମାନକୁ ଉପଯୁକ୍ତ ମାର୍ଗଦର୍ଶନ ମଧ୍ୟ ଏହି ସମ୍ପାଦକ ମଣ୍ଡଳୀ କରିଥାନ୍ତି । ୱିକିପିଡିଆ ମୂଳ ପ୍ରୁଷ୍ଠା ରେ ଏହି ବିଷୟ ରେ ବିସୃତ ସୂଚନା ମଧ୍ୟ ଦିଆଯାଇଥାଏ । ବିଭିନ୍ନ ସମୟ ରେ ବିଭିନ୍ନ ସ୍ଥାନ ରେ ଏଥିପାଇଁ କାର୍ମଶାଳା ମାନ ଆୟୋଜିତ ହେଇଥାଏ । ଏହି କାର୍ମଶାଳା ରେ ନୂତନ ପ୍ରକଳ୍ପ ବିଷୟ ରେ ନିର୍ଣୟ ନିଆ ଯାଇ ତାକୁ କାର୍ଯ୍ୟକାରୀ କରିବାର ବ୍ୟବସ୍ଥା ହୁଏ । ସେଥିପାଇଁ ୱିକିପିଡିଆ ସଦା ସର୍ବଦା ଅତ୍ୟାଧୁନିକ ରହିଥାଏ ।

odiawiki

ଓଡିଆ ୱିକିପୀଡିଆ :-

ଯେତେବେଳେ ଆଞ୍ଚଳିକ ଭାଷା ମାନଙ୍କ ରେ ମଧ୍ୟ ୱିକିପିଡିଆ ଉପଲବ୍ଧ କରିବାର ଉଦ୍ୟମ ହେଲା , ଇଂରେଜୀ ୱିକିପିଡିଆ କୁ ଆଧାର କରି ସେ ସବୁ ଭାଷାରେ ଇଂରେଜୀ ଲେଖା ର ଅନୁବାଦ କୁ ସ୍ଥାପନ ହେଲା । ଭାରତୀୟ ଭାଷା ମାନଙ୍କରେ ୱିକିପିଡିଆ ହେଲା ବେଳେ ଓଡିଆ ୱିକିପିଡିଆ ମଧ୍ୟ ଆରମ୍ଭ ହେଲା ଯଦିଓ ବିଳମ୍ବ ରେ । ଜୁନ, ୨୦୦୨ରେ ଓଡିଆ ୱିକିପିଡିଆ ର ଅୟମାରମ୍ଭ ହେଇଥିଲା । ସର୍ବଶେଷ ଅନୁଧ୍ୟାନ ଅନୁସାରେ ଓଡିଆ ୱିକିପିଡିଆ କୁ ପ୍ରତି ମାସ ରେ ହାରାହାରି ୪.୮୪ ଲକ୍ଷ ଲୋକ ଦେଖି ଥାନ୍ତି । ଏଥିରେ ୨୪୦୦ ରୁ ଅଧିକ ଲେଖା ଓ ୧୫୦୦୦ ରୁ ଅଧିକ ତଥ୍ୟ ସମ୍ମିଳିତ ହେଇସାରିଛି । ଏହିରେ ପଞ୍ଜୀକୃତ ବ୍ୟବହାରୀଙ୍କ ସଂଖ୍ୟା ପ୍ରାୟ ୩୫୦୦ । ପୃଥିବୀ ର ବିଭିନ୍ନ ୨୮୯ ଭାଷା ରେ ଥିବା ୱିକିପୀଡିଆ ମଧ୍ୟ ରେ ଏହା ୧୩୪ ରାଙ୍କ ରେ ଥିବା ସୂଚିତ । ଏବେ ଅନେକ ଉତ୍ସାହୀ ତଥା ପ୍ରବୀଣ ବ୍ୟକ୍ତିଙ୍କ ଅନବରତ ଉଦ୍ୟମ ଯୋଗୁ ଓଡିଆ ୱିକିପିଡିଆ ମଧ୍ୟ ଖୁବ ସୁନ୍ଦର ଭାବେ ଅଗ୍ରଗତି ପଥ ରେ ଆଗେଇଛି । ଅନେକ ତଥ୍ୟ ବର୍ତମାନ ଓଡିଆ ଭାଷା ରେ ସ୍ଥାନିତ ହେଇଛି । ଆମ ଓଡିଶା ର ଐତିହ, ସଂସ୍କୃତି, ଦର୍ଶନୀୟ ସ୍ଥାନ , ବିଶିଷ୍ଟ ବ୍ୟକ୍ତିବିଶେଷ ତଥା ଓଡିଆ ସାହିତ୍ୟ ଉପରେ ବେଶ କିଛି ତଥ୍ୟ ଏଥିରେ ବର୍ତମାନ ଉପଲବ୍ଧ ହେଇ ସରିଲାଣି । ତେବେ ଏଥିପାଇଁ ଆହୁରି ବହୁତ ଉଦ୍ୟମ ଲୋଡା । ଉତ୍ସର୍ଗୀକୃତ ଭାବରେ ଆହୁରି ଅନେକ ଓଡିଆ ମାନେ ଯଦି ଉଦ୍ୟମ କରିବା ତାହେଲେ ଆଗାମୀ ଦିନରେ ଏହି ରାଙ୍କ୍‌କୁ ଆମେ ନିଶ୍ଚିତ ଭାବରେ ୫୦ ଭିତର କୁ ଆଣି ପାରିବା । ଏହା ଆମ ଓଡିଆଙ୍କ ପାଇଁ ଏକ ସମ୍ମାନର ପ୍ରଶ୍ନ ହଉ । ଉପଯୁକ୍ତ ମା ର ବେଶୀ ଲେଖା ଦେଇ ପାରିଲେ ଇଂରେଜ ୱିକିପିଡିଆ ବହୁତ ଲେଖା ଇଂରେଜୀ ୱିକି ରେ ଥିଲେ ତାହା ଓଡିଆ ୱିକି ରେ ଉପଲବ୍ଧ ହେଇ ପାରିବ । ତାକୁ ଅନୁବାଦ କରିବା ପାଇଁ ଆମ ଓଡିଶାରେ ଯୋଗ୍ୟ ଲୋକଙ୍କ ଅଭାବ ନାହିଁ ବୋଲି ମୋର ଦୃଢ ଧାରଣା । ଆହୁରି ଅନେକ ଶିକ୍ଷିତ ଲୋକ ଏଥିପାଇଁ ଆଗେଇ ଆସିବାକୁ ହେବ ।

ଆମେ ଓଡ଼ିଆ । ଓଡ଼ିଆ ଭାଷାକୁ ନେଇ ଆମେ ଗର୍ବ କରୁ । ଓଡ଼ିଆ ୱିକିପିଡିଆ ସର୍ବସମ୍ପୂର୍ଣ ହେବା ଆମ ସମସ୍ତଙ୍କ ପାଇଁ ଖୁସି ଓ ଗର୍ବର ବିଷୟ ହେବ । ଏବେ ଓଡିଶା ସରକାର ମଧ୍ୟ ଓଡ଼ିଆ ଭାଷା କୁ ସରକାରୀସ୍ତରରେ ସମ୍ପୂର୍ଣ ବ୍ୟବହାର କରିବା ପାଇଁ ବଦ୍ଧପରିକର ହେଇଥିବାରୁ ଓଡ଼ିଆ ୱିକିପିଡିଆକୁ ସମ୍ପୂର୍ଣତାକୁ ଆଣିବା ଏକ ନିତାନ୍ତ ଜରୁରୀ ଆବଶ୍ୟକ । ଆସନ୍ତୁ ସମସ୍ତେ ଆମର ଅବଦାନ, ଯାହା କିଛି ଭି ହଉ ନା କାହିଁକି, ନିଶ୍ଚୟ ଦେବା । ଓଡ଼ିଆ ୱିକିପିଡିଆକୁ ସବୁଠୁ ଭଲ ଆଞ୍ଚଳିକ ଭାଷା ୱିକିପିଡିଆର ମାନ୍ୟତା ପାଇବାରେ ସାହାଯ୍ୟ କରିବା ।

ଲୋକପ୍ରିୟ ଲେଖା

To Top