ଆବିର୍ଭାବ-୧୧/୧୦/୧୯୩୬ - ତିରୋଧାନ-୦୮/୦୩/୨୦୦୨ । ନ୍ୟାୟମୂର୍ତ୍ତୀ ଶ୍ରୀଯୁକ୍ତ ରାଜକିଶୋର ଦାସ ଏବଂ ଶ୍ରୀମତୀ ସରୋଜିନୀ ଦାସଙ୍କ କନିଷ୍ଠା କନ୍ୟା କସ୍ତୁରୀ ଦାସଙ୍କର ଜନ୍ମ କଟକ ସହରରେ । ପିତା ମାତାଙ୍କର ତତ୍ତ୍ୱାବଧାନରେ ରହି ସେ ତାଙ୍କର ବିଦ୍ୟା ଶିକ୍ଷା ଆରମ୍ଭ କରିଥିଲେ ଏବଂ ୧୯୫୫ ମସିହାରେ ରହି ଡିଷ୍ଟିଂସନ୍ ସହିତ ରେଭେନ୍ସା କଲେଜରୁ ବି.ଏସ୍.ସି ପାଶ୍ କରିଥିଲେ । ଏହା ସହିତ ଅବସର ସମୟରେ ସେ ବେହେଲା ବାଦନ ଅଭ୍ୟାସପୂର୍ବକ ସେଥିରେ ପାରଦର୍ଶୀତା ଲାଭ କରିଥିଲେ । ୧୯୫୭ ମସିହାରେ ଶ୍ରୀଯୁକ୍ତ ଉଦୟ ନାରାୟଣ ଦାସଙ୍କର ମଧ୍ୟମ ପୁତ୍ର ଶ୍ରୀ ରାଜେନ୍ଦ୍ର ନାରାୟଣ ଦାସ, ଆଇ.ପି.ଏସ୍.ଙ୍କ ସହିତ ତାଙ୍କର ବିବାହ ହେଲା । ସାମାଜିକ ଆବଶ୍ୟକତା ଏବଂ ଘର ସଂସାରର ସମସ୍ତ ଗୁରୁଦାୟିତ୍ୱ ଦକ୍ଷତାର ସହିତ ବହନ କରି, ଅବସର ସମୟର ସୁବିନିଯୋଗପୂର୍ବକ ସେ ଅନବଦ୍ୟ ସାହିତ୍ୟ ସୃଷ୍ଟି କରି ପାରିଛନ୍ତି । ତାଙ୍କ ରଚନା ଶୈଳୀର ସ୍ୱତନ୍ତ୍ରତା ମଧ୍ୟରୁ ଲେଖିକାଙ୍କର ସମାଜ ସଂସ୍କାରକ ଚେତନା ପରିଦୃଷ୍ଟ ହୁଏ ।
ଆପଣଙ୍କ ମତାମତ