ଜନ୍ମ- ୧୪.୭.୧୯୭୭ । ବୈଜ୍ଞାନିକ ଅଧିକାରୀ, ଭାବାପରମାଣୁ ଅନୁସନ୍ଧାନ କେନ୍ଦ୍ର , ପରିବେଶ ପ୍ରୟୋଗଶାଳା, ଜାଦୁଗୋଡ଼ା, ଝାରଖଣ୍ଡ-୮୩୨୧୦୨ । ବୈଜ୍ଞାନିକ ଭାବରେ ଭାବାପରମାଣୁ ଅନୁସନ୍ଧାନ କେନ୍ଦ୍ରରେ କାର୍ଯରତ । କଲେଜ ସମୟରୁ ଲେଖାଲେଖି କରିଆସୁଛି । ସମ୍ୱାଦ, କଥା, ଅଭିପ୍ସା ଇତ୍ୟାଦି ପତ୍ରପତ୍ରିକାରେ ଲେଖା ପ୍ରକାଶିତ ହେଇଛି । ହଠାତ୍ ରେଳ ପ୍ଲାଟଫର୍ମର ବୁକ୍‌ଷ୍ଟଲ୍‌ରେ ଓଡ଼ିଆ ପତ୍ରିକାଟି ଦେଖିଲେ ପାଟିରୁ ଲାଳ ବହିଆସେ । ଚାକିରୀ ଜୀବନ ଓ ସଂସାରର ତେଲ ଲୁଣ ଭିତରେ ଶୋଇଯାଇଥିବା କଲମରେ ହଠାତ୍ କୁଆଡୁ ଫୁଆରା ଛୁଟୁଛି ରଙ୍ଗ ବେରଙ୍ଗର କାଳି । ଅନେକ ଦିନରୁ ଲେଖା ହେଇପଡ଼ିଥିବା ଗଳ୍ପ, କବିତା ଡାଏରୀଟାକୁ ପଲଟେଇ ନିଜ ଭିତରେ କିଛି ସଦ୍ୟ ଉଙ୍କିମାରୁଥିବା କାହାଣୀ, କବିତା ଆଉ କିଛି ଅନୁଭୂତିକୁ ପରସିବାକୁ ଇଚ୍ଛା ହେଲା । ଏବେ ପୁଣି ଲେଖା ଲେଖି ଆରମ୍ଭ କରିଛି ।