କବି, ସମ୍ପ୍ରତି ଓଡ଼ିଆ କବିତାରେ ଜଣେ ବଳିଷ୍ଠ ସ୍ୱର । ତାଙ୍କର ଜନ୍ମ ୧୦ ଜୁଲାଇ ୧୯୬୬ ଇନ୍ଦୁପୁର ଗ୍ରାମ, କେନ୍ଦ୍ରାପଡ଼ା ଜିଲ୍ଲାରେ । ଜୀବନକୁ ଏତେ ନିକଟରୁ ଏତେ ଆପଣାର କରି ଦେଖିବା ଏବଂ ଏହାର ଚିରନ୍ତନତାକୁ ସ୍ୱୀକାର କରିବା ହିଁ ତାଙ୍କ କବିତାର ମହତ୍ୱ । ମଣିଷକୁ ଭଲ ପାଇବା କୁନି ପିଲାଙ୍କ ପୃଥିବୀରେ ନିଜକୁ ହଜାଇଦେବା, ମାଟି ସହ ଆକାଶ ସହ ଏକାକାର ହେବା ତାଙ୍କ କବିତାରେ ବାରିହୋଇ ପଡେ଼ । ଏତେ ଭିନ୍ନ ବାଗରେ ଯେ ଭାଷାର ପ୍ରୟୋଗ କରାଯାଇପାରେ, ତାହା ତାଙ୍କ କବିତାରେ ସ୍ପଷ୍ଟ ପ୍ରତୀୟମାନ ।