ଠିକଣା:- ସଂଗ୍ରାମପୁର,କାଂଶ, ନୀଳଗିରି, ବାଲେଶ୍ଵର । ବ୍ୟାସକବି ଫକୀର ମୋହନଙ୍କ ପବିତ୍ର ସାରସ୍ଵତ ମାଟି, ବାଲେଶ୍ଵର ଜିଲ୍ଲା ନୀଳଗିରି ବ୍ଲକ ଅନ୍ତର୍ଗତ କାଂଶ ଗ୍ରାମପଞ୍ଚାୟତର ସଂଗ୍ରାମପୁର ମାଟିର ଏକ ଅନନ୍ୟ ସ୍ପନ୍ଦନ ହେଉଛନ୍ତି ମହେଶ ରଞ୍ଜନ ମହାପାତ୍ର । ପୂଜ୍ୟ ଜେଜେବାପା ଶ୍ରୀଯୁକ୍ତ ରାମଚନ୍ଦ୍ର ମହାପାତ୍ର ଓ ଜେଜେମା ମନୋରମା ମହାପାତ୍ରଙ୍କ ସ୍ନେହର ନାତି ଏବଂ ପିତା ଶ୍ରୀଯୁକ୍ତ ଗଜେନ୍ଦ୍ର ମହାପାତ୍ର ଓ ମାତା ମିତାରାଣୀ ଷଢଙ୍ଗୀଙ୍କ ଆଶୀର୍ବାଦର ପ୍ରତିଫଳନ ହେଉଛି ତାଙ୍କର ସମଗ୍ର ସ୍ଥିତି। ବୃତ୍ତିରେ ଜଣେ ଆଶାୟୀ ଫିଜିଓଥେରାପି ଛାତ୍ର ଭାବେ ମାନବ ଶରୀରର ପୀଡ଼ା ପ୍ରଶମନର ମାର୍ଗ ଖୋଜୁଥିବା ବେଳେ, ପ୍ରବୃତ୍ତିରେ ସେ ଜଣେ ସମ୍ବେଦନଶୀଳ ଶବ୍ଦଶିଳ୍ପୀ । ନିଜକୁ "ଶବ୍ଦହୀନ ଓ ଜ୍ଞାନଶୂନ୍ୟ" ବୋଲି ବିନମ୍ରତାର ସହ ଅଭିହିତ କରୁଥିବା ମହେଶ, ବାସ୍ତବରେ ଜଣେ ସୁପ୍ରତିଭାସମ୍ପନ୍ନ କବି, ଲେଖକ, ଗାଳ୍ପିକ ଏବଂ ମଧୁରକଣ୍ଠୀ ଗାୟକ । ସାରସ୍ଵତ ସାଧନା ପ୍ରତି ତାଙ୍କର ଅହେତୁକ ଅନୁରାଗ ଏବଂ ସାହିତ୍ୟର ବିଭିନ୍ନ ବିଭାଗରେ ସ୍ଵଚ୍ଛନ୍ଦ ବିଚରଣ କରିବାର ଅପୂର୍ବ ଆଧ୍ୟାତ୍ମିକ ଓ ମାନସିକ ଶକ୍ତି ତାଙ୍କ ଲେଖନୀକୁ ଅଳଙ୍କୃତ କରିଛି । ଶବ୍ଦର ଝଙ୍କାର ଏବଂ ଭାବର ଗଭୀରତା ମଧ୍ୟରେ ସେ ଓଡ଼ିଆ ସାହିତ୍ୟ ଜଗତରେ ଏକ ନିଜସ୍ଵ ପରିଚୟ ସୃଷ୍ଟି କରିବା ପାଇଁ ନିରନ୍ତର ବ୍ରତୀ ।