ଡଃ ପ୍ରଦୀପ କୁମାର ପଣ୍ଡା , ସମସାମୟିକ ଓଡ଼ିଆ ସାହିତ୍ୟରେ ଜଣେ ସମର୍ପିତ ପ୍ରତିଭା । ଠିକଣା : ଗ୍ରା / ପୋ. - ନୂଆଁ ବରଙ୍ଗମାଲ, ଭାୟା ଗୌଡ଼ପାଲି, ବ୍ଲକ୍ / ଥାନା - ଯୁଯୋମୁରା, ଜିଲ୍ଲା - ସମ୍ବଲପୁର - ୭୬୮୧୧୨ । ଶିକ୍ଷାଗତ ଯୋଗ୍ୟତା : ସ୍ନାତକ, ହୀରାକୁଦ ମହାବିଦ୍ୟାଳୟ । ବୃତ୍ତି : ସହକାରୀ ଶିକ୍ଷକ । ଜନ୍ମ ତାରିଖ : ୧୭.୦୬.୧୯୭୫ । ଅନେକ ଆବେଗମୟ କାବ୍ୟ-କବିତା ତଥା ଗଳ୍ପର ସ୍ରଷ୍ଟା । ବାସ୍ତବତାକୁ ପାଥେୟ କରି ଜୀବନର ଚଲାପଥରୁ ସାଉଁଟିଥିବା ଗାଳ୍ପିକଙ୍କର ପ୍ରତ୍ୟେକ ଅନୁଭୂତିର ବାସ୍ତବିକ ପ୍ରତିଫଳନ ହେଇଛି ତାଙ୍କର ଗଳ୍ପ ସମୁହରେ । ଲୋପ ପାଇଯାଉଥିବା ସାଂସ୍କୃତିକ ମୂଲ୍ୟବୋଧ , ସ୍ଵାର୍ଥନ୍ଵେଷୀ ଓ ସଂକୀର୍ଣ୍ଣ ମାନବୀୟ ଚିନ୍ତାଧାରା ତଥା ସମାଜର ଭିଡ଼ ଭିତରେ ହଜି ଯାଉଥିବା ସାମାଜିକ ଚେତନାର ସମନ୍ଵୟରେ ତାଙ୍କ ଲେଖନୀ ଗତିଶୀଳ । ଏହା ପୂର୍ବରୁ ଗାଳ୍ପିକଙ୍କର ଦୁଇଟି ଗଳ୍ପ ସଂକଳନ " କାହାଣୀ ମହାଭାରତ " ଓ " କାହାଣୀ ରତ୍ନମାଳା " ପାଠକମାନଙ୍କ ଦ୍ଵାରା ଆଦୃତି ଲାଭ କରିଛି। ଆଶା ନିରାଶା , ଆବେଗ ଓ ଚିନ୍ତା ଚେତନାର ବାର୍ତ୍ତା ବହନ କରୁଥିବା ଗାଳ୍ପିକଙ୍କର ପ୍ରତିଟି ଗଳ୍ପର ଭାଷା ଅତ୍ୟନ୍ତ ସ୍ପଷ୍ଟ ଓ ସରଳ । ସହଜ ଓ ବୋଧଗମ୍ୟ ଭାଷା ପ୍ରୟୋଗ କରି ମାନବୀୟ ସଂବେଦନା ଓ ଚେତନାର ସ୍ଵରକୁ ଜନମାନସରେ ପ୍ରସ୍ଫୁଟିତ କରିବାରେ ଗାଳ୍ପିକ ସିଦ୍ଧହସ୍ତ ।