ନାମ ତପନ ଦୀକ୍ଷିତ । ନାସିକେଶ୍ୱର, କାକଟପୁର, ପୁରୀ । ପିତା :ଚୈତନ୍ୟ ଦୀକ୍ଷିତ /ମାତା : ତନୁଲତା ଦୀକ୍ଷିତ । କାବ୍ୟିକ ନାମ : ବେଳାଭୂମି । ଜନ୍ମ : ୦୩/୦୬/୧୯୬୪ ନାସିକେଶ୍ୱର, କାକଟପୁର, ପୁରୀ । ଶିକ୍ଷା : ଖିଦିରପୁର ଓଡ଼ିଆ ହାଇ ସ୍କୁଲ (କଲିକତା ) ୧୯୮୧, ସ୍ନାତକ (ବାଣିଜ୍ୟ) ୧୯୮୬ କଲିକତା ବିଶ୍ୱବିଦ୍ୟାଳୟ । ବର୍ତ୍ତମାନ ଘର :ଛଡାସିଂଘ ,ବାଲିଦୋକାନ ,କୋଣାର୍କ । କାକଟପୁର ବାସିନୀ ସେଇ ମା ମଙ୍ଗଳାଙ୍କ ଅପାର କରୁଣା ତାରି ଚହାରଣ ତଳେ ଶିରାଳତା ପ୍ରଣତି ଜଣାଇ ଆପଣାମାନଙ୍କ ପାଇଁ ପଦେ ଅଧେ । କବିତା ଲେଖିବା ମୋର ଏକ ନିଶା , ପେଷା ସ୍ୱଳ୍ପ ବେତନ ଭୋଗୀ ଏକ ଘରୋଇ କମ୍ପାନୀର ହିସାବ ରକ୍ଷକ ୧୯୯୪ ଠାରୁ ସୁଦୂର ଦମନରେ । ମୋର କାବ୍ୟିକ ଯାତ୍ରା ଛାତ୍ରଜୀବନରୁ , କଲିକତାସ୍ଥିତ ନ୍ୟାସନାଲଲାଇବ୍ରେରୀର ଓଡ଼ିଆ ବିଭାଗର ଭାଇ ସାଫଲ୍ୟ ନନ୍ଦୀ ଏବଂ ପିତୃତୁଲ୍ୟ ଅରୁଣ ମଉସାଙ୍କ ପ୍ରୋତ୍ସାହନ ,ଏବଂ ଆସନ୍ତା କାଲି ପତ୍ରିକା ର କାର୍ଯ୍ୟାଳୟରେ ଡ଼ିସେମ୍ବର ୩୧, ମଧ୍ୟରାତ୍ରୀର କବିତା ଆସର ବରେଣ୍ୟ କବି ମାନଙ୍କ ସହିତ :ଶ୍ରୀଯୁକ୍ତ ଅମରେଶ ପଟନାୟକ. ଶ୍ରୀଯୁକ୍ତ ସାତକଡ଼ି ହୋତା ,ଶ୍ରୀଯୁକ୍ତ ସୀତାକାନ୍ତ ମହାପାତ୍ର ,ଶ୍ରୀଯୁକ୍ତ ଫନୀ ମହାନ୍ତି ପ୍ରାବନ୍ଧିକ ତଥା ଗାଳ୍ପିକ ଡ଼ଃ .ବିଜୟ ମହାପାତ୍ର ଏବଂ 'ପଦକ୍ଷେପ' ପତ୍ରିକା ର ସମ୍ପାଦକ ବିଜୟ ବାବୁ ଏକ ଜୀବନର ଅବିସ୍ମରଣୀୟ ମୁହୂର୍ତ । ଏତତ୍ ବ୍ୟତୀତ ପତ୍ରାଳାପ ସେଇ ବରେଣ୍ୟ ବିପ୍ଲବୀ କବି ରବି ସିଂ ଙ୍କ ସହିତ , ସବୁଜ କବି ସଚି ରାଉତରାୟଙ୍କ ଗହଣରେ ଦୁଇଥର ଜୀବନରେ ବସିବାର ସୁଯୋଗ ମଧ୍ୟ ପାଇଛି ।