ନଦୀ ଖୋଜେ ସମୁଦ୍ର
ସମୁଦ୍ର ଖୋଜୁଥାଏ ବେଳା
ଜାଣି ଜାଣି ହାରିଯାଏ
କେତେ ନଦୀ
ହାରିବାରେ ଜିତିବା ଲୁଚିଥାଏ
ପ୍ରିୟଙ୍କୁ ଭେଟିବା ବଡ଼କଥା ନୁହେଁ
ବଡ଼କଥା ଭେଟିବା ଲୋଭରେ
ଚାହିଁବା ଧାଇଁବା ।

ସେଇ ବିଶ୍ୱାସରେ
ମହକିତ କରି ସାରିଛି
ଧାଇଁବାର ଅନିଶ୍ୱାସୀପଣ
ପ୍ରତିଦ୍ୱନ୍ଦୀ ନୁହେଁ
ନିଜ ସ’ ନିଜର ପ୍ରତିଯୋଗିତାରେ
ଅହରହ ମୁଖର ମିଳନ ।

ଖୋଜିବାରେ ନିଶାରେ
ଡେଇଁଛି ବନ୍ଧବାଡ଼
ବାରଣର ଭଳି ଭଳି ଗାର
ମାଟି ମୟୂଖ, ପଥର ପାହାଡ଼
ପବନ ଆସିବ ଆସୁ
ଆସୁ ସୁନାମି ଚମକ
ତୃଷ୍ଣା ଧରି ଆକଣ୍ଠ
ଧାଉଁଥାଏ କାଳକାଳ ନଦୀ
ମେଣ୍ଟିବ, ଜୀବନ ଗୋଟାକ ଶୋଷ ।

ଜାଣି ବି’ ଅଜଣା ନଦୀ
ମିଶିବାର ପ୍ରେମରେ ବିଭୋର
କାହା ତୃଷ୍ଣା ମେଣ୍ଟାଇଛି
ଏଯାଏ ସମୁଦ୍ର ?