ଏମିତି ସେ ଆସେ ବୋଲିତ
ଚେତେଇଦିଏ ଜଗେଇଦିଏ
ଜାଗରୂକ ଆଶା ଭରସାର ନିବିଡ଼ପଣରେ
ସେ କାଳେ ବିଦ୍ଧ କରିପାରେ
ସମ୍ମିଳିତ ଶକ୍ତି ଶାୟକରେ କାପୁରୁଷ ଛାତି
ଭ୍ରମ, କ୍ରୋଧ, ମୋହ ବିକାରଗ୍ରସ୍ତ ,
ରୁଗ୍ଣ ମାନସିକତାକୁ ଧୋଇଧାଇ
ନିର୍ମଳ କରିପାରେ ବୋଲି ପୃଥିବୀ ଆକାଶକୁ
ତା ନିରାଜନା ଆରାଧନାର ପ୍ରାକ୍‌ ପ୍ରସ୍ତୁତିରେ
ଏତେ ସବୁ ଆୟୋଜନ ମଣିଷଠୁ ପ୍ରକୃତି ପର୍ଯ୍ୟନ୍ତ ।

ଆସିବ ବୋଲି
ନୀଳ ଗହନ ଆକାଶ ତଳେ
ବିଛାଡ଼ି ହୋଇ ପଡୁଛି ରାତିର ଗଭାରୁ
ମହମହ ସଜଫୁଟା ଅସଂକ୍ଷ ଶେଫାଳୀ
ପବନ ଗାଉଛି ଗୀତି ସ୍ବାଗତଂ ସ୍ବାଗତଂ
ଶୁଭ୍ର କାଶତଣ୍ଡୀ ଚାମର ହଲେଇ ।