ଶେଫାଳି ଗୋ ତୁମେ ବଡ଼ ମାୟାବିନୀ
ପତ୍ର ଗହଳରେ ଫୁଟ ହୋଇ ମନମୋହନୀ ।
କେମିତି ଫୁଟ ଗୋ ତୁମେ ରୁକ୍ଷ ପତ୍ର ଗହଳେ
କୋମଳ ପାଖୁଡ଼ାରେ ତୁମ କଷ୍ଟ ହେବ କାଳେ ।
ଗହନ ରାତିରେ ଫୁଟ ସବୁଜ ପତର ଗହଳେ
ସୁରୂଜ ଉଇଁବା ଆଗରୁ ଲୋଟି ଯାଅ ତଳେ ।
ପାହାନ୍ତ ସକାଳ ହୁଏ ସୁରଭି ରେ ଭରା
ସୂରୁଜ ଉଇଁଲେ ତୁମେ ଦିସଗୋ ହୀରା ।
ଭାଗ୍ୟବତୀ ତୁମେ ଫୁଟିଲ କି ଭାଗ୍ୟରେ
ହାର ତୁମ ଶୋଭାପାଏ ଶିବଶମ୍ଭୁ ଗଳାରେ ।
ମାୟା ରେ ପଡିଛି ତୁମ ପ୍ରକୃତି ରାଣୀ
ତା ଦେହସାରା ଘୋଡାଇବ ଧଳା ଓଢଣୀ ।
ଷେଫାଳି ଗୋ ତୁମେ ବଡ଼ ମାୟାବିନୀ
ପ୍ରେମରେ ପଡିଛି ତୁମ ପ୍ରକୁତି ରାଣୀ ।
