କଣ ପାଇଲି ମୁଁ ଏତେ କଷ୍ଟ କରି
ତୋରାଣୀ ଟିକେ ପିଇ
ଦିନ ରାତି ଖଟି ଖଟି
ହାଡ ମାଂସ ସବୁ
ପାଣି କରିଦେଇ
କ’ଣ ପାଇଲି ମୁଁ
ଗୋଟେ କୃଷକ ହୋଇ
ପୁଅଟା ମୋର ଚାଲିଗଲା
ସେପାରିକୁ ପଇସା ବିନା
ପିଲାଟା ମୋର କାନ୍ଦୁଥିଲା
ଔଷଧ ଟିକକ ବିନା
ନା ଆଉ କରିବିନି ସେ ଧାନ ମୁଗ
ଆଳୁ ପିଆଜ ଭେଣ୍ଡି ସାଗ ଆଉ ବାଇଗଣ
କଣ ଲାଭ ଏତେ ସବୁ ଥାଇ
ଯଦି ବଞ୍ଚେଇ ପାରିଲିନି ପୁଅଟାର ଜୀବନ
ଯାଉଚି ଆଜିଠୁ ମୁଁ
ପଇସା ଗଛ ଲଗେଇବି
ସହରରେ ରିକ୍ସା ଟାଣି
ଖଟିକି ପଇସା କମେଇବି
ସବୁ ଚାଷୀ ଭାଇ ମାନେ ଚାଲ
ଆଜିଠୁ ପଇସା କମାଇବା
ଏଦୁନିଆର ଲୋକମାନଙ୍କୁ
ଖାଦ୍ୟ ବଦଳରେ
ପଇସା ଖୁଆଇବା ……..
