ଆପଣଙ୍କ ବ୍ରାଉଜରରେ ଏହି ସୁବିଧା ଉପଲବ୍ଧ ନାହିଁ।
ଘଟସୂତ୍ର ମୁଣା ଯାଏ ସରି
ବର ଖୋଜେ ସୁନ୍ଦର ଆହୁରି
ଦୁନିଆ ଯାକର ଝିଅ ଦେଖିଲେବି
ପସନ୍ଦ ନୋହିଲେ କେହି
କିଏ କଳା ଆଉ ନାକ କାର ବଙ୍କା
ଆଉ କାହା ବାପା ପାଖେ ନାହିଁ ଟଙ୍କା ।
ଭାବି ବର
ଭାବେ ବିସ୍ମିତ ମନରେ
ରାଇଜରେ ସତେ ପଡ଼ିଛି ମରୁଡ଼ି
ଅବା ବନ୍ୟାରେ ଭାସିଗଲେ ସବୁ
ଅବା ଅଭିଶାପ ଗ୍ରସ୍ତ ଏ ନଗରୀ
ବାର ବର୍ଷ ପରେ ଜନ୍ମିବେ ସୁନ୍ଦରୀ ।
କିଏ ସିଏ ହାଣ୍ଡିରେ ମୋ ଚାଉଳ ପକାଇ
ଘୋର ନିଦ୍ରାରେ ଯାଇଅଛି ଶୋଇ ।
ସତେ କ’ଣ ନମିଳିବ କେବେ
ଯେମିତିକା ମନ ମୋର ଭାବେ
ପିତା କୁବେର ଆଉ ପୁତ୍ରୀ ଅପସରା
ଉଚ୍ଚତାରେ ଲମ୍ବା, ସ୍ୱାସ୍ଥ୍ୟରେ ପତଳା
ହୋଇଥିବ ରଙ୍ଗ ଗୋରା
ଆଧୁନିକା, ସୁଶିକ୍ଷିତା, ସର୍ବଗୁଣେ ଅଭିହିତା
ଫୁରୁସତେ ଗଢ଼ିଥିବ ଯାହାକୁ ବିଧାତା ।
Pingback: Odia Satire poem Bhramare Bara by Manas Ranjan Subudhi | Oriya Magazine ameodia.com