ଆପଣଙ୍କ ବ୍ରାଉଜରରେ ଏହି ସୁବିଧା ଉପଲବ୍ଧ ନାହିଁ।
ବଡ଼ ମଣିଷ ହେବାକୁ ପାଠ ପଢ଼ିଲି
ଚାକିରି ପାଇଁକି ଧକ୍କା ଖାଇଲି
ଥକିଗଲି ଯେବେ ବୁଲି ବୁଲିକା
ମଦ ପିଇ କଲି ମନ ହାଲୁକା,
କେମିତି ହେଲି ମୁଁ ବାଳୁଙ୍ଗା ଟୋକା ।
ଆଜି ନବୀନ ବୟସୀ ବାଳା ଦେଖିଲି
ଭଞ୍ଜ କବି ପରି ଗଳାମାଳା କରିଲି
ଦୁଇ ଘରେ ଶତ୍ରୁ ହେଲେ ଆମ ପାଇଁକା
ପୃଥ୍ଵୀରାଜ ବନି ଆଣିଲି ସଂଯୁକ୍ତା,
କେମିତି ହେଲି ମୁଁ ବାଳୁଙ୍ଗା ଟୋକା ।
ମିଠା କଥା କହିବାକୁ ପାନ ଖାଇଲି
ଭୋଲାବାବା ଭକତିରେ ଧୁଆଁ ଟାଣିଲି
ଦାଢ଼ି ନିଶ ବଢ଼େଇଲି ବ୍ରତ ରଖିକା
ମୋଟା ଚାନ୍ଦା ଝଡ଼େଇଲି ପୁଜା ପାଇଁକା,
କେମିତି ହେଲି ମୁଁ ବାଳୁଙ୍ଗା ଟୋକା ।
ମଧୁବାବୁ ପରି ମୁଣ୍ଡେ ଠେକା ଭିଡ଼ିଲି
ଗାନ୍ଧୀ ବୁଢ଼ା ପରି ହାତେ ଠେଙ୍ଗା ଧରିଲି
ବାପୁ କଥା ମାନିନେଲି ଖଦୀ ପିନ୍ଧିକା
ଜନସେବା ଲାଗି ହେଲି ବିରୋଧୀ ନେତା,
କେମିତି ହେଲି ମୁଁ ବାଳୁଙ୍ଗା ଟୋକା ।
