ପ୍ରେମ କରିବା କି ନାହିଁ
ଯଦି ପ୍ରେମ କରିବା…
ପବନରେ ଉଡିବା
ପାଣିରେ ବୁଡିବା
ନିଆଁରେ ପୋଡିବା
ଆକାଶେ ଲୁଚିବା
ମାଟିରେ ମିଶିବା ।

ଆସ ଟିକେ ଭାବିବା
ପ୍ରେମ କରିବା କି ନାହିଁ….
ଯଦି ପ୍ରେମ କରିବା..
ଫୁଲ ହୋଇ ଫୁଟିବା
ଝରଣା ପରି ଝରିବା
କୋଇଲି ଭଳି ରାବିବା
ଆଉ ବସନ୍ତ ପରି ରଙ୍ଗିନ୍ ହେବା ।

ଆସ ଟିକେ ଭାବିବା
ପ୍ରେମ କରିବା କି ନାହିଁ….
ଯଦି ପ୍ରେମ କରିବା..
ଗୁଳି ହୋଇ ଫୁଟିବାନି
ବୋମାହୋଇ ଫାଟିବାନି
ରକ୍ତ ହୋଇ ଝରିବାନି
ପୁଞ୍ଜା ପୁଞ୍ଜା ମଣିଷ ଭିତରେ
ବିଷ ମଞ୍ଜି ବୁଣିବାନି ।

ଆସ ଟିକେ ଭାବିବା
ପ୍ରେମ କରିବା କି ନାହିଁ….
ଯଦି ପ୍ରେମ କରିବା
ପଳାସ ଫୁଲକୁ ଭଲ ପାଇବା
କଦମ୍ବ ଫୁଲରେ ମାଳ ଗୁନ୍ଥିବା
ନିରୋଳା ଚମ୍ପାକୁ ଆପଣେଇବା,
ସେ ନ ଆସିବା ଯାଏଁ
ନିଆଳୀ, ମାଳତି, ଟଗର
ଫୁଲକୁ ଚାହିଁ ରହିବା ।