ହା – ହାର୍ଦ୍ଧିକ ଅଭିନନ୍ଦନ ସବୁ ଓଡ଼ିଶା ବାସୀ ,
ହାତ ଧରି ପାଳନ କରିବା ମିଳିମିଶି ।
ପି – ପିତାମାତା, ଗୁରୁ ସବୁ ତୁମେ ଉତ୍କଳ ଜନନୀ ,
ପ୍ରୀତିମନେ ପାଦେ ତୁମ ମଥା ନୁଅଁଇ ।
ଓ – ଓଡିଶାର କୋଣେ ଅବା ଗାଁ ମାଟି ଠାରୁ ଦୂରେ ,
ଓତଃପ୍ରୋତଃ ଆମେ ତଥାପି ଆମ ସଂସ୍କୃତିରେ ।
ଡି – ଡିଆଁ କୁଦ ଭରା ଜୀବନ ଜଞ୍ଜାଳେ, ବ୍ୟଗ୍ର ସିନା ଆମେ ଦିନରାତି,
ଡିମିଡିମି ହୋଇ ଅନ୍ତରେ ଜଳୁଥାଇ ଓଡିଆ ପୀରତି ।
ଶା – ଶାନ୍ତି, ମୈତ୍ରୀ ଭାବ ଝଲକେ ଉତ୍କଳ ସମାଜ ତଳେ,
ସାନ ବଡ଼ ସଭିଁଏ ମାତନ୍ତି ପୂଜା ପର୍ବାଣିରେ ।
ଦି – ଦିନୁଦିନ ପ୍ରଗତି କରୁ ଆମରି ଜାତି,
ଦିଗ ଦର୍ଶନ କରନ୍ତୁ ଜଗନ୍ନାଥ ପୁରୀ ଅଧିପତି ।
ବ – ବରଷ ପୁରାଣି ଦିନରେ ରହୁ ଏକ ଅନୁରୋଧ,
ବରିଷ୍ଠ ଯନ୍ତ୍ରୀ, ବୈଜ୍ଞାନିକ ଓ ବୁଦ୍ଧିଜୀବି ବୃନ୍ଦ ।
ସ – ସମର୍ପିତ ହେଉ ସମସ୍ତ ପ୍ରତିଭା ସମାଜର କଲ୍ୟାଣରେ,
ସମ୍ମାନ, ଗୌରବ ଉତ୍କଳ ମାତାର ଫେରିଆସୁ ଆଉଥରେ ।
// ହାପି ଓଡିଶା ଦିବସ //
