ଆପଣଙ୍କ ବ୍ରାଉଜରରେ ଏହି ସୁବିଧା ଉପଲବ୍ଧ ନାହିଁ।
କି ଚିତ୍ର ଆଙ୍କିବି ଯେ,
ପୃଥ୍ୱୀ ଓ ଆକାଶର ରୂପ
ପୂର୍ବରୁ ଅଙ୍କିତ ।।
କି ଗୀତ ଗାଇବି ଯେ,
ପକ୍ଷୀର କାକଳିରେ
ଝରି ପଡୁଛି ଅସରା ସଂଗୀତ ।।
କେଉଁ ଆଡ଼େ ବହିଯିବି ଯେ,
ଯେଉଁ ଆଡ଼େ ଆଖି ପହଁରାଏ
ନଦୀ, ଝରଣା ଓ ସମୁଦ୍ରର ଉତ୍ତାଳ ତରଙ୍ଗ ।।
କି କଥା କହିବି ଯେ,
ସବୁ କଥା ତ ସାରି ଦେଇଛନ୍ତି ପୂର୍ବଜ
ମୁଁ ଅବଲୋକରା-
ହୁଁ ମାରିବା ସାର ।।
କବିତା ଲେଖିବା କଥା
କହୁଥିଲ ପରା,
ଏବେ ଆଉ ସେକଥା କୁହନାହିଁ ସୁଜନେ
କମ୍ପ୍ୟୁଟର ଆଜିକାଲି କବିତା ଲେଖୁଛି ।।
