ପୁଅର ଏବର୍ଷ ନାଁ ଲେଖା
ସେଥିପାଇଁ ଜନ୍ମ ପ୍ରମାଣ ପତ୍ର ,
ପାସ ପୋର୍ଟ ସାଇଜ ଫୋଟୋ ଇତ୍ୟାଦି …
ପୁଣି ନାଁ ଲେଖା ବେଳେ
ଉଭୟ ବାପାମା’ ଉପସ୍ଥିତି ନିହାତି ରହିବା ଦରକାର
ଆଜିକାଲି ଇଂଲିଶ ମିଡିୟମ ସ୍କୁଲର
ଯେତେ ସବୁ ଲକ୍ଷେ କାଇଦା କଟାକଣା … ।

ମିସେସ,ସେଦିନ ସନ୍ଧ୍ୟାରେ ଫୋନେ କଲେ …
ଫେବୃଆରୀ ସତେଇସି ରେ ଯେମିତିହେଲେ
ଛୁଟିନେଇ ଆସିବ
ବାପା ଆଜି ପୁଅର ନାମ ଲେଖା ଫର୍ମ
ସ୍କୁଲରେ ଦାଖଲ କଲେ ବୁଝେଇଲେ ସେ,
ମୁଁ କିଛି ନକହି ଖାଲି ହଁ ଭରିଲି କଥାରେ ।

ଆଗକୁ ମାର୍ଚ୍ଚ ମାସ ସମୟ
ବେସରକାରୀ ଚାକିରୀରେ
ଏ ସମୟରେ ଛୁଟି ନେବା
ଭାରି ମୁସ୍କିଲ ନିଜକୁ ନିଜେ ଭାବିଲି
ହେଲେ,କଣ କିଛି ଗୋଟେ କରିବାକୁ ପଡିବ ନିଶ୍ଚୟ …।

ପୁଣି ମିସେସ ,କହିଲେ ଗୁରୁ ଗମ୍ଭୀର କଣ୍ଠରେ
ତାଙ୍କର ଆଧାର କାର୍ଡରେ ଆମ ସାଙ୍ଗିଆକୁ ନେଇ
ଆମର ବେହେରା ତାଙ୍କର ବାପ ଘର ଭୁତିଆ
ପୁଅର ଜନ୍ମ ପଞ୍ଜିକରଣରେ ତାଙ୍କର ନାଁ ‘ଭୁତିଆ ଅଛି
ହେଲେ ପରେ ତାଙ୍କର ଆଧାର କାର୍ଡରେ ବଦଳା ଯିବା
ଆମ ସାଙ୍ଗିଆ ବେହେରା ହେବାକୁ ନେଇ ।

ମୁଁ କହିଲି ,
ପୁଅର ନୂଆ ଜନ୍ମ ପ୍ରମାଣ ପତ୍ରଟିଏ କାଢ଼ିବା ବୋଲି ।

ତୁମ ଯୋଗୁ ଏତେ ସବୁ ଭୁଲ
ମିସେସ ରାଗିକି ନିଆଁ ଝୁଲ
ତୁମେ ତ ଆମ ଘରକୁ ଭଲ ପାଉନା
ଆମ ବାପ ଘର ସାଙ୍ଗିଆ ତ ଥିଲା
ହେଲେ ତୁମ ଘର କହିବା ମୁତାବକ
ପରେ ବଦଳେଇ ଦେଲ ସତ ନା ..
ଏବେ କଣ କରୁଛ କର ?