ଅଣୁଗଳ୍ପ

ସିଗାରେଟ୍

Pradipta Sundar Moharana's odia short story Cigarette

ତମ୍ବାଖୁର ବିରକ୍ତିର ସ୍ୱାଦ ଓ ଗନ୍ଧକୁ ହେୟଜ୍ଞାନ କରି ଗାଈଭଳି ଚୋବେଇବା ଅବା ଫୁଙ୍କ ନଳୀ ପରି ଫୁଙ୍କୁଥିବା ଲୋକମାନଙ୍କର ସଂଖ୍ୟା ଆଜି କଛି କମ୍ ନୁହେଁ

ସିଗାରେଟ୍

ତମ୍ବାଖୁ, ଗୁଟ୍‌ଖା, ବିଡି, ପିକା ଅବା ସିଗାରେଟ୍, ନିକୋଟିନ୍ ଥିବା, ଯେଉଁ ଦ୍ରବ୍ୟଟିର ନା’ ଆପଣ ନିଅନ୍ତୁ ନା କାହିଁକି, ବନା ଦୋକାନ ପାଖରେ , ତାହା ସପକ୍ଷରେ, ଯୁକ୍ତି ବାଢିବା ପାଇଁ କିଛି ନା କିଛି ତର୍କ ଥାଏ । ଗୁଡ଼ାଖୁ ଘସିଲେ କୁଆଡେ କୋଷ୍ଠ କାଠିନ୍ୟ ଦୂର ହୁଏ, ଆଉ ପାଟିରୁ ଅନ୍ୟ ସମୟରେ ଦୁର୍ଗନ୍ଧ ବାହାରେ ନାହିଁ । ପିକା ପିଇଲେ କୁଆଡେ ଛାତି ଚଉଡା ହୁଏ । ବିଡି ପିଇଲେ ମୁଣ୍ଡବିନ୍ଧା କମିଯାଏ । ଚୂନ ତମ୍ବାଖୁ କୁ ଦୋକତା କରି କଳରେ ଜାକିଲେ ହଜମ ଭଲ ହୁଏ – ଏହିପରି ଅନେକ କିଛି ନବନିର୍ମିତ ଅତିବୈଜ୍ଞାନିକ ତଥ୍ୟ ଆପଣଙ୍କୁ ଶୁଣିବାକୁ ମିଳେ ।

ବନା ମତରେ , ତମ୍ବାଖୁ ବ୍ୟବହାର ସତେ ଯେପରି ଏକପ୍ରକାର ଅସାଧାରଣ ମହୌଷଧି । ତମ୍ବାଖୁର ବିରକ୍ତିର ସ୍ୱାଦ ଓ ଗନ୍ଧକୁ ହେୟଜ୍ଞାନ କରି ଗାଈଭଳି ଚୋବେଇବା ଅବା ଫୁଙ୍କ ନଳୀ ପରି ଫୁଙ୍କୁଥିବା ଲୋକମାନଙ୍କର ସଂଖ୍ୟା ଆଜି କଛି କମ୍ ନୁହେଁ । ଉପଯୁକ୍ତ ମାର୍ଗଦର୍ଶକଙ୍କ ଅଭାବରେ, ବିଦ୍ୟାଳୟ ଦିନଟିରୁ ଚଳଚିତ୍ର ତାରକା ମାନଙ୍କର ଅନୁକରଣ ପ୍ରିୟ ଛାତ୍ରଛାତ୍ରୀ ମାନେ; ସିଗାରେଟ, ପାନମସଲା ଖାଇବା ଆରମ୍ଭ କରିଦେଉଛନ୍ତି । ଆଉ ଅଜାଣତରେ ତାଙ୍କ ଆବଶ୍ୟକ ଚିଠାରେ ଏହି ଜିନିଷ ଗୁଡିକ ଏକ ଅବିଚ୍ଛେଦ୍ୟ ଆବଶ୍ୟକତା ହିସାବରେ ଯୋଡି ହୋଇଯାଏ ।

ଆଗ ପଛ ବିଚାର ନକରି ସେ ହୋଇଯାଏ ଗୋଟିଏ ଭିକାରି , ଆଉ କହେ , “ ଦେ ରେ ଗୋଟେ ବିଡି !” କିଏ ବୁଝାଇଲେ କହେ, “ତୋର କଣ ଯାଉଛି? ତୋ ବାପା ପଇସାରେ ପିଉଛି?” – ରୋଗ ବା ମୃତ୍ୟୁ ବିଷୟରେ କହିଲେ କୁହେ, “ ହଁ ହେଲା, କିଏ ଆଉ ମରୁନି ଯେ !”

କୌଣସି ମାଦକ ଦ୍ରବ୍ୟ ଏକପ୍ରକାର ନିର୍ଭରଶୀଳତାକୁ ଜନ୍ମଦିଏ । ସମୟ ଆସେ, ଯେତେବେଳେ କି ଜଣେ ବ୍ୟକ୍ତି, ସେହି ନିଶା ଦ୍ରବ୍ୟ ବିନା ବଞ୍ଚିବାକୁ ମଧ୍ୟ ଅସହ୍ୟ ମନେକରେ । ବିଶ୍ୱ ସ୍ୱାସ୍ଥ୍ୟ ସଂଗଠନ, ତମ୍ବାଖୁ ଦ୍ରବ୍ୟକୁ ସମ୍ପୂର୍ଣ୍ଣ ମାନବ ଜାତିର ଶତ୍ରୁ ହିସାବରେ ବିବେଚନା କରି ଏହି ଦ୍ରବ୍ୟ ତିଆରି କରୁଥିବା ଉଦ୍ୟୋଗ ଗୁଡିକ ଉପରେ କିଛି କଟକଣା ଲଗାଇଛି । ଏପରିକି , ଭାରତ ଭଳି ବିକାଶଶୀଳ ରାଷ୍ଟ୍ର ମଧ୍ୟ ନିଜର ପ୍ରଚଳିତ ଅମଲାତାନ୍ତ୍ରିକ ନିୟମଗୁଡିକ ମାଧ୍ୟମରେ ଅନେକ ଗୁଡିଏ କଟକଣା କରି , ଲୋକମାନଙ୍କର ତମ୍ବାଖୁ ସେବନ ପ୍ରକୃତିକୁ ବଦଳେଇବାକୁ ଚେଷ୍ଟା କରୁଛି । କିନ୍ତୁ, ଜଣେ ତମ୍ବାଖୁ ଆସକ୍ତ ବ୍ୟକ୍ତି, ଏକ ଅନ୍ଧ ଏବଂ ବଧିର ସଦୃଶ , ଯିଏ କି ସିଗାରେଟ୍‌ ଖୋଳ ଉପରେ ଚିତ୍ରିତ କର୍କଟ ରୋଗର ଚିତ୍ରକୁ ଦେଖିପାରେନାହିଁ, ଦେଖି ଡରେ ନାହିଁ । ତା’ ପ୍ରେମିକାର ସିଗାରେଟ ନ ପିଇବାର ଗୁହାରିକୁ ଶୁଣିପାରେନାହିଁ |

କେହିଜଣେ ବୁଦ୍ଧିମାନ ବ୍ୟକ୍ତି ସିଗାରେଟ୍ ଶବ୍ଦଟି ସଜ୍ଞାକୃତ କରିବାକୁ ଯାଇ ଠିକ୍ କହିଛନ୍ତି , “ ଯେତେବେଳେ, ଗୋଟିଏ ଚିମୁଟା ତମ୍ବାଖୁ ଗୋଟିଏ ଛୋଟ କାଗଜରେ ଗୁଡାଇହୋଇ ଗୋଟିଏ ପଟରେ ନିଆଁ ଝୁଲଟିଏ ଓ ଅନ୍ୟ ପଟଟିରେ ମୂର୍ଖଟିକୁ ବାନ୍ଧିରଖେ , ତାହା ହିଁ ହେଉଛି ସିଗାରେଟ୍ ।”

ଲୋକପ୍ରିୟ ଲେଖା

To Top