କବିତା

ଆଉ କି ଲେଖିବି ନାଁ?

Soubhagya Samal's odia poem Aau Ki Lekhibi Naa

ଭଲ ଲାଗୁଥିଲି ଯଦି ମୁଁ ତମକୁ
କହିଲନି ମନ ଖୋଲି ,

ଆଉ କି ଲେଖିବି ନାଁ?

ମନ କଥା ମୋର ମନରେ ଯେ ଥାଉ
କିଛି କଥା ଥାଉ ମାନେ,
ସବୁକଥା ଯଦି ଖୋଲି କହିଦେବି
ପ୍ରେମର ଆଉ କି ମାନେ ।।

କହିପାରିଲିନି ତମକୁ ସେଦିନ
କହିବାର ଯାହା ଥିଲା ,
ଆଉ କିବା ଲାଭ ଭାବିଲେ ସେ କଥା
ହବା କଥା ଯାହା ହେଲା ।।

ଫଗୁଣ ଯେ ରଙ୍ଗ ନେଇ ଆସିଥାଏ
ହେଲେ ରଙ୍ଗ ଲାଗେ ଥରେ ,
ଛାଡେ ନାହିଁ କେବେ ଜୀବନେ ସେ ରଙ୍ଗ
ଶ୍ରବଣ କି ଧୋଇ ପରେ ।।

ଭଲ ଲାଗୁଥିଲି ଯଦି ମୁଁ ତମକୁ
କହିଲନି ମନ ଖୋଲି ,
ତୁମ ମନକଥା ବୁଝିଲା ବେଳକୁ
ସମୟଟା ଗଲା ଚାଲି ।।

ମଝି ନଈରେ ମୁଁ ନାଉରି ସାଜିଛି
ଏପଟରେ ମୋ ଗାଁ ,
ସେପଟେ ସହର ତମ ଇଲାକାରେ
ଆଉ କି ଲେଖିବି ନାଁ ।।

ପ୍ରକାଶିତ ହୋଇଥିବା ଲେଖିକା/ଲେଖକଙ୍କ ତାଲିକା

ଲୋକପ୍ରିୟ ଲେଖା

To Top