କବିତା

ଦେବୀ ବନ୍ଦନା

Prasanta Kumar Behera's odia poem Debi Bandanaa

ମୁଁ ବଞ୍ଚିଛି ତମ
ଶୃଙ୍ଗାର ସୀତ୍କାରେ
ତମ ପ୍ରେମଝରଣାର
ଉର୍ମିରେ,

ତମେ ମୋ ପ୍ରେମଚିଲିକାର
ବିଦେଶୀ ହଂସୁଲି
ଶୀତ ପାହାନ୍ତିର
ମୂର୍ଚ୍ଛନା,

ତମେ ମୋ ହୃଦ ଗୋଲାପର
କଣ୍ଟକ ଯନ୍ତ୍ରଣା
ମୋ ମରୁ ଜୀବନର
ସାନ୍ତ୍ୱନା ।

ମୁଁ ବଞ୍ଚିଛି ତମ
ଶୃଙ୍ଗାର ସୀତ୍କାରେ
ତମ ପ୍ରେମଝରଣାର
ଉର୍ମିରେ,

ମୁଁ ବଞ୍ଚିଛି ତମ
ପଦ୍ମଗନ୍ଧା ତନୁ ଲତିକାରେ
ତମ ତିଳୋତ୍ତମା ରୂପ
କବିତାରେ ।

ତେଣୁ ଲେଖୁଛି କବିତା ତମ ବନ୍ଦନା
ତମେ ମୋର ଦେବୀ
ମୋ ନିର୍ଭୁତ
ନିରାଜନା,

ତମେ ମୋ ଲେଖନୀ ପ୍ରେରଣା
ମୋ ସୃଷ୍ଟିକାମନା
ମୋ ସ୍ୱାହା ସ୍ୱାଧା
ଉପାସନା ।

ଲୋକପ୍ରିୟ ଲେଖା

To Top