କବିତା

ମୁଗ୍ଧ ଆବେଗ

Prasanta Kumar Behera's odia poem Mugdha Aabega

ଶାଶ୍ବତ ପ୍ରେମର ପୁଲକ ଉଚ୍ଛ୍ୱାସେ
ହୃଦୟେ ବେପଥୁ ଭରୁ

ଅଳସୀ ହସର ଲାବଣ୍ୟ ସୁଷମା
ନୀଳ ତୃଷ୍ଣାର କବିତା ରଚେ

ଶୀତରାଣୀ ଶୋଭା ଝରା ଶିଶିରରେ
ମନ ଉପବନେ ଭଅଁର ନାଚେ

ସେଇ ଉପବନେ ହେ ମୋର ରାଧିକା
ରଚିବୁ ବିଦେହ ରାସ

ତୋ ଆତ୍ମାର କୋଣୁଁ ମୋହନ ପରଶେ
ଝରିବ ମାଧୁର୍ଯ୍ଯ ରସ

ଯମୁନା ନଈର କାଚକେନ୍ଦୁ ପାଣି
ଉଜାଣି ଅନ୍ତରେ ଝରୁ

ଶାଶ୍ବତ ପ୍ରେମର ପୁଲକ ଉଚ୍ଛ୍ୱାସେ
ହୃଦୟେ ବେପଥୁ ଭରୁ

ଶିଳା ଖଣ୍ଡପରେ ମୁଗ୍ଧ ଆବେଗେ
ଆବେଗରେ ଥିଲେ ବସି

ଭାବ କଳ୍ପନାର ସିକ୍ତ ତରଂଗେ
ଭିଜିଥିଲା ଦଶଦିଶି

ତୁମ ସ୍ୱଭାବ ସୁଲଭ ଲଳିତ କଂଠରେ
ମହୁବୋଳା ସ୍ନେହ ସୁଧା

ଝରି ଆସିଥିଲା ନିର୍ଝରିଣୀ ସମ
କାହିଁରେ ନ ମାନି ବାଧା ।

ଲୋକପ୍ରିୟ ଲେଖା

To Top