ସେ ଏକ ଏମିତି ନାଆଁ
ମୁଁ ଲେଖିଛି
ମୋହରି ରକ୍ତରେ
ଭିଜାଇ ଦେଇଛି ତାକୁ
ମୋ ଭାବନାର ମୀନାକରା ଇନ୍ଦ୍ରଧନୁ ରଙ୍ଗରେ
ସେ ଏକ ଏମିତି ନାଁ
ସଜାଡ଼ି ରଖିଛି ତାକୁ
ହୃଦୟର ଅନ୍ତଃକରଣରେ
ସକୋଳର ଶାନ୍ତ କିରଣରେ
ମଧ୍ୟାହ୍ନର ତାତିଲା ବାଲିରେ
ସଞ୍ଜବେଳ ଗୋଧୂଳିର
ଧୂସର ଲଗ୍ନରେ
ଅବା ରାତ୍ରିର
ଶାନ୍ତ ଶିଶିରରେ
ସେ ବୋଳି ହୋଇ ଯାଇଛି
ମୋ ହୃଦୟରେ,
ଧମନୀରେ,
ମନରେ, ପ୍ରାଣରେ
ଚିନ୍ତା ଆଉ ଚେତନା ଭିତରେ
ଭଲ ପାଇବାର ନିବିଡ଼ ରଙ୍ଗରେ
ଦୁଃଖରେ, ଲୁହରେ
ଅବା ସୁଖରେ
ହସରେ
ସେହି ଏକା ମୋର
ଅନ୍ତିମ ସ୍ୱାକ୍ଷର ।।
