କେମିତି କଟିବ ଏକେଲା ଜୀବନ
ନୀରବତା ଭରା ଛାଇ ,
ସାଥୀ ବିନା ଏଇ ନିରୋଳା ରସ୍ତାଟା
କରିଦିଏ ମନ ବାଇ……।।୦।।
ପାଲ ଟାଣିଦେଲି କାତ ବି ମାରିଲି
ଆହୁଲା ମାରିବ କିଏ ,
ଖାଲି ଖାଲି ଲାଗେ ନଉକା ଟା ସତେ
ପାଖେ ନାହିଁ ସାଥୀ ସିଏ,
ମନ ଭୁଲାଇବା ଖାଲି ଅଭିନୟ
ବିଷାଦ କବିତା ଗାଇ……।।୧।।
ଯମୁନା କୂଳରେ କଦମ୍ବ ର ଛାଇ
ରାଇ ଝୁରେ ଏକା ଏକା ,
ବଇଁଶୀ ର ସୁର ବାଟ କାଢିନିଏ
ମେଟାଇ ମନର ଦକା ,
ତଥାପି ଆଖିଟା କାହ୍ନା ପାଦ ଖୋଜେ
ପ୍ରିତୀ ବିନା ବାଟ କାହିଁ……।।୨।।
ସରଗ ହେଉବା ମରତ ର ମାଟି
ସଥୀ ଯେବେ ଧରେ ହାତ ,
ନିରୋଳା ବାଟରେ ମହକନ ବଢେ
ଶେଫାଳୀ ମହକ ଗୀତ ,
ସମୟ ସତେକି ଥମିଯାଏ ଘଡେ
ସତ ଜଣାପଡେ ନାହିଁ……..।।୩।।
