ବୀଣାପାଣି ସରସ୍ୱତୀ ସାରଦା ବ୍ରହ୍ମ ଦୁହିତା
ମହାମାୟୀ ବାକ୍ୟଦେବୀ ରୂପେ ହୋଇଲେ ପୂଜିତା ।
ସାରଳା ବିମଳା ଅବା ମଙ୍ଗଳା ବିଶ୍ଵ ବନ୍ଦିତା
ଜଗଦ୍ଧାତ୍ରୀ ମହାକାଳୀ ପାର୍ବତୀ ଗାୟତ୍ରୀ ଗୀତା ।
ଶୁଭ୍ର ବସନା ବରଦା ହଂସ ବାହନେ ଅର୍ଚ୍ଚିତା
ଅଜ୍ଞାନ ଅନ୍ଧକାରରେ ଜଗାଅ ଜ୍ଞାନ ଶୁଭ୍ରତା ।
ବସନ୍ତ ପଂଚମୀ ଆଣେ ଆଗମନୀ ବାରତା
ଋତୁରାଜ ବସନ୍ତର ଆବାହନୀ ହେ ମାତା ।
ପବିତ୍ର ଏ ଶୁଭ ଦିନ ବ୍ରତ ଗୃହ ପ୍ରତିଷ୍ଠା
ଶୁଭାରମ୍ଭ ଅନୁକୂଳ ଯଜ୍ଞ ତୁଷ୍ଟି ଦେବତା ।
ଯା ଦେବୀ ସର୍ବଭୂତେଷୁ ଶକ୍ତି ରୂପେଣ ସଂସ୍ଥିତା
ସବଂଶେ ହତ ରାବଣ ହରିଲା ଯେଣୁ ସେ ସୀତା ।
ନାରୀ ଯହିଁ ପୂଜାପାଏ ରମନ୍ତି ତହିଁ ଦେବତା
ସରସ୍ୱତୀ ପୁଜାର ଏ ମହତ୍ୱପୂର୍ଣ୍ଣ ବାରତା ।
