କବିତା

ସ୍ୱପ୍ନ

Prasanta Kumar Behera's odia poem Swapna

ତମ ମୋହନ ବଂଶୀର
ବେପଥୁ ତରଂଗେ

ରାଧା ଅପଘନେ
କଦମ୍ୱ ଫୁଟେ ।

ଯେଉଁ ରାଗ ମୂର୍ଚ୍ଛନା
ତୋଳୁଥିଲ ଶ୍ୟାମ

ତମ ରଂଗ ଓଠ ଛୁଆଁ
ମୂରଲୀ ସ୍ୱନେ

ସେଇ ମୂର୍ଚ୍ଛନା ମୁଁ
ତୋଳି କି ପାରିବି

ଏଇ ବେଳାଭୂମି
ବାଲୁକା ବନେ ?

ତମେ ରଚୁଥିଲ
ପ୍ରେମଭିଜା ହଲ୍ଲୀଷକ

ବୃନ୍ଦାବନ କୁଞ୍ଜେ
ଯମୁନା ତଟେ

ତମ ମୋହନ ବଂଶୀର
ବେପଥୁ ତରଂଗେ

ରାଧା ଅପଘନେ
କଦମ୍ୱ ଫୁଟେ ।

ମୋ’ର ଏ ମୂରଲୀ
ସୃଜିବ କି କେବେ

ବେପଥୁ ପ୍ଲାବନ
ମୋ ରାଧିକା ଅଂଗେ

ଫୁଟିବ କି କେବେ
ସହସ୍ର କଦମ୍ୱ

ମୋ ହୃଦ ବୃନ୍ଦାବନ
ବାସନ୍ତୀ କୁଞ୍ଜେ ?

ଲୋକପ୍ରିୟ ଲେଖା

To Top