ଥୋକେ,
କଥା କଥାକେ
ଗାର ଟାଣନ୍ତି ପାଣିରେ
ସର ପକାନ୍ତି ପବନରେ
ଗଙ୍ଗ ଶିଉଳୀର ବାସ୍ନା
ଖଞ୍ଜନ୍ତି ପଳାସରେ
ତୁଳସୀରେ ନିମ ଭରନ୍ତି
ନିହାତି ଡାହା ମିଛକୁ
ସତ ବୋଲି ସ୍ୱର ଉଠାନ୍ତି
ତିନି ତୁଣ୍ଡରେ
ଛେଳି କୁକୁର ହେବା ପରି
ଖାଣ୍ଟି ସୁନା ମୋହରଟିଏ,
ଲଗାଇବାର ପ୍ରୟାସ କରନ୍ତି ।

ନିରୀହ ମଣିଷଟିଏ ହୋଇଯାଏ
ଚୋର କି ଲମ୍ପଟ
ନାରୀଟିଏ ହୋଇଯାଏ
କୁଳଟା, ଅସତୀ
ଅନ୍ୟର ପ୍ରତିଷ୍ଠାରେ
କାଳିମାର ଦାଗ ଲଗାନ୍ତି
ଘୂଣଖିଅ ପୋକ ଭଳି
ପ୍ରଗତିର ମେରୁଦଣ୍ଡ ଦୋହଲାନ୍ତି ।