ନବୀନ ବାବୁ ଶାସନକୁ ତୁମର ୧୭ ବର୍ଷ ପୂରିବ
ହେଲେ ଲୋକେ ଓଡିଶାକୁ ଆଜି ବି କୁହନ୍ତି ଗରିବ,
ଦିନେ କହିଥିଲ ବିଜୁ ବାବୁଙ୍କ ସ୍ୱପ୍ନ ସାକାର କରିବ
ରାଜ୍ୟକୁ ଧନ ଧାନ୍ୟରେ ଭରିବ ।
ହେଲେ ଓଡିଶାର ରୂପ ଏବେ ଏପରି
ଯୁବକଙ୍କୁ ମିଳୁ ନାହିଁ ଏଠି ଖଣ୍ଡେ ଚାକିରୀ,
ରାସ୍ତା କଡରେ ବୁଲନ୍ତି ମାଳ ମାଳ ଭିକାରୀ
ତଥାପି ତୁମକୁ କରନ୍ତି ଶାସନର ଅଧିକାରୀ ।
ମିଠା ମିଠା କଥା କହି ଭୋଟ ନେଉଛ ଗଣି
ଲୋକେ ଏଠି ପିଇବାକୁ ପାଆନ୍ତି ନାହିଁ ପାଣି,
ଲୋକମାନେ କରିଛନ୍ତି ତୁମକୁ ରାଜ୍ୟର ମଉଡମଣି
ସେଥିପାଇଁ ବୋଧେ ଏମିତି କରୁଛ ଜାଣି ଜାଣି ।
କେତେ ଯେ ବିଜୁବାବୁଙ୍କ ନାଁ କୁ ବିକି ଭାଙ୍ଗି ଖାଇବ
ଆଉ କେତେ ଦିନ ଯେ ଧରମ ସହିବ,
ମନେରଖ ଉପରେ ବସିଛି ଗୋଟେ ଦଇବ
ଭାବି ଏହା କାମ କର ଆଉ ଯେତିକି ଦିନ ରହିବ ।
ଜଳ ଠୁ ପରିମଳ, ଶିକ୍ଷା ଠୁ ସ୍ୱାସ୍ଥ୍ୟ ସବୁଠି ଏପରି ଅବସ୍ଥା
ଏହା କଣ ତୁମ ସୁ ଶାସନର ଅସଲ ବ୍ୟବସ୍ଥା,
ଆଉ ଲୋକଙ୍କୁ କେତେ ଯେ କରିବ ହୀନସ୍ତା
ମନେରଖ ଲୋକଙ୍କ ଧିରେ ଧିରେ ତୁଟିଲାଣି ତୁମଠୁ ଆସ୍ଥା ।
