ଆମେରିକାରେ ଡାକ୍ତରୀ ଯାଞ୍ଚ, ଏବଂ ଇଟାଲୀ ରେ ମାତାଙ୍କ ଅନ୍ତିମ ସଂସ୍କାର ରେ ଯୋଗ ଦେଇ ସୋନିଆ ଗାନ୍ଧୀ, ଝିଅ ପ୍ରିୟଙ୍କା ଏବଂ ପୁଅ ରାହୁଲ ସେପ୍ଟେମ୍ବର ୨୦୨୨ରେ ଫେରିଲେ । ୟା ପରେ କିଛି ବିଶେଷ ସୂତ୍ର ଅନୁଯାୟୀ ପରିବାର ମଧ୍ୟରେ ଗୃହ କନ୍ଦଳ ଲାଗି ରହିଛି ।
ସମସ୍ତ ଭାରତ କଂଗ୍ରେସ କମିଟି (AICC)ର ରାଷ୍ଟ୍ରପତି ପଦରେ ପ୍ରିୟଙ୍କା ଗାନ୍ଧୀ ଭଦ୍ରା ପ୍ରତିଦ୍ୱନ୍ଦ୍ୱିତା କରିବାକୁ ଚାହୁଁଥିଲେ ଯାହାକୁ ତାଙ୍କ ମାଆ ବିରୋଧ କରୁଥିଲେ। ପ୍ରିୟଙ୍କା ତାଙ୍କ ମା’ଙ୍କ ସହ ଯୁକ୍ତି କରିଥିଲେ ଯେ ସୋନିଆ ଏବଂ ରାହୁଲ ପାର୍ଟି ସଭାପତି ଥିଲେ ମଧ୍ୟ ପ୍ରିୟଙ୍କାଙ୍କୁ ଅନ୍ତତପକ୍ଷେ ଥରେ ଦଳର ସଭାପତି ହେବାର ସୁଯୋଗ ଦିଆଯାଇ ପାରିଥାଆନ୍ତା। ପ୍ରିୟଙ୍କା ନିଜକୁ ଉପେକ୍ଷିତ ମନେକଲେ ।
ଯଦିଓ ପ୍ରିୟଙ୍କାଙ୍କୁ କମଲନାଥଙ୍କ ପରି ଦଳର ବରିଷ୍ଠ ନେତାମାନେ ସମର୍ଥନ କରିଥିଲେ। କମଲନାଥ ରାଜ୍ୟସଭା ପାଇଁ ତାଙ୍କ ନାମାଙ୍କନ ଦାଖଲ କରିବାକୁ ଚେଷ୍ଟା କରିଥିଲେ ଯାହାକୁ ତାଙ୍କ ମାଆ ସୋନିଆ ପ୍ରତ୍ୟାଖ୍ୟାନ କରି ଦେଇଥିଲେ ।
ଅକ୍ଟୋବର, ୨୦୨୨ ମସିହାରେ ଯେତେବେଳେ ନାମାଙ୍କନପତ୍ର ଆରମ୍ଭ ହେଲା, ସୋନିଆଙ୍କ ଅଜାଣତରେ ପ୍ରିୟଙ୍କା ତାଙ୍କ ନାମାଙ୍କନପତ୍ର ଦାଖଲ କରିବାକୁ ପ୍ରସ୍ତୁତ ହେଲେ । ସୋନିଆଙ୍କୁ ଏହି ସୂଚନା ମିଳିବା ପରେ, ପ୍ରିୟଙ୍କାଙ୍କ ଘରକୁ ଯାଇ ନାମାଙ୍କନପତ୍ର ଦାଖଲ ନକରିବାକୁ କହିଥିଲେ । ଉଭୟଙ୍କ ଭିତରେ ମନୋମାଳିନ୍ୟ ଉଗ୍ର ରୂପ ଧାରଣ କଲା ।
ଶେଷରେ ସୋନିଆ ଗାନ୍ଧୀଙ୍କ ଚାପ ଯୋଗୁଁ ପ୍ରିୟଙ୍କା ତାଙ୍କ ନାମାଙ୍କନପତ୍ର ଦାଖଲ କରିବାରୁ ଓହରି ଆସିଲେ । ଏତିକିରେ ମାମଲା ଥଣ୍ଡା ପଡ଼ିନଥିଲା ।
ଏବେ ବିଶ୍ୱାସ କରାଯାଉଛି ସୋନିଆ ଏବଂ ରାହୁଲଙ୍କ ବାରମ୍ବାର ପରାମର୍ଶ ପରେ ମଧ୍ୟ ଅଶୋକ ଗେହେଲତ ମୁଖ୍ୟମନ୍ତ୍ରୀ ପଦବୀରୁ ଇସ୍ତଫା ନ ଦେବାକୁ ନିଷ୍ପତ୍ତି ନେଇଥିଲେ । ତାହା କେବଳ ସମ୍ଭବ ଏଥିପାଇଁ ହୋଇପାରିଥିଲା ଯେ ପ୍ରିୟଙ୍କା ଗାନ୍ଧୀ ତାଙ୍କ ପଛରେ ଦୃଢ଼ ଭାବେ ଛିଡା ହୋଇଥିଲେ ।
ଗାନ୍ଧୀବଂଶ ନିଜ ନିଜ ଭିତରେ ନେତୃତ୍ବକୁ ନେଇ ଟଣା ଓଟରା ହେଉଥିବା ପରି ମନେହୁଅନ୍ତି । ପାରସ୍ପରିକ ଗଣ୍ଡଗୋଳ ଭିତରେ ଦଳର ଅବସ୍ଥା ଶୋଚନୀୟ ହୋଇପଡ଼ିଛି ।
ଏହାର ସଦ୍ୟ ଉଦାହରଣ ହେଉଛି ଭାରତ ଯୋଡୋ ଯାତ୍ରା, ଯେଉଁଥିରେ ପ୍ରିୟଙ୍କା ଗାନ୍ଧୀଙ୍କୁ ଥରୁଟିଏ ଦେଖିବାର ସୁଯୋଗ ମିଳି ନଥିଲା । ତେଣୁ ଏଥିରୁ ସ୍ପଷ୍ଟ ପ୍ରତୀୟମାନ ଯେ ଆମ ଦେଶର ପ୍ରାଚୀନ ରାଜନୀତିକ ଦଳ ଏବେ ସଙ୍କଟରେ ନେତୃତ୍ୱକୁ ନେଇ ସଙ୍କଟରେ ପଡିଛି, ଯାହାର ଫାଇଦା ହାତେଇବାକୁ ଅନ୍ୟ ଦଳଗୁଡିକ ଚେଷ୍ଟା କରିବେ ନିଶ୍ଚୟ । ଏଥିରେ ଦ୍ୱିମତ ହେବାର ନାହିଁ ।
