କବିତା

ଲୋଭ ଲାଗି ସିନା

Basudev Mohapatra's odia poem for cildren Lobha Laagi Sinaa

ଚାରିଦିନ ହେଲା
ପଡ଼ିନି ପେଟରେ
ଆହାର କିଛି,
ବିଲମାଳେ ଧଣ୍ଡ
ହୁଏ ଲଣ୍ଡଭଣ୍ଡ
ଭୋକରେ ଅଛି ।

ଲୋଭ ଲାଗି ସିନା

ବରଷା ହୋଇନି
ମାସେ ହେଲା, ବିଲ
ପୁରା ଟାଙ୍ଗରା,
ଦିନ ଦି’ ପହରେ
ଚାଉଁ ଚାଉଁ କରି
ମାରୁଛି ଖରା ।

ଚାରିଦିନ ହେଲା
ପଡ଼ିନି ପେଟରେ
ଆହାର କିଛି,
ବିଲମାଳେ ଧଣ୍ଡ
ହୁଏ ଲଣ୍ଡଭଣ୍ଡ
ଭୋକରେ ଅଛି ।

ମଥା ଟେକି ଧଣ୍ଡ
ଦେଖିଲା ପାଖରେ
ପରଜାପତି,
ରଙ୍ଗବିରଙ୍ଗ ତା’
ଡେଣା ମେଲି ଉଡେ଼
ଖୁସିରେ ଅତି ।

ଧଣ୍ଡ ଭାବୁଥାଏ,
ସହଜେ ତାହାକୁ
ଟାଣି ଆଣିବ,
ହେଲେ ଏତେ ଟିକି
ଶିକାରେ କି ତା’ର
ପେଟ ପୁରିବ ।

ଦେହେ ନାହିଁ ବଳ,
ଧୀରେ ଧୀରେ ଧଣ୍ଡ
ଯାଉଛି ଚାଲି,
ଦେଖିଲା ପାଖରେ
ବସିଛି ଗୋଟିଏ
କୁନି ବଗୁଲି ।

ପାଟିରୁ ଗଳିଲା
ଲାଳ ସିନା ତା’ର,
ପାଇଲା ନାହିଁ,
ମୁହଁ ପାଶୁ ତା’ର
ତଟକା ଶିକାର
ଗଲା ପଳାଇ ।

ଶିକାର ଆଶାରେ
ଧାନଗଛ ମୂଳେ
କୁଣ୍ଡଳୀ କାଟି
ଚେଇଁ ଶୋଇଥାଏ
ସାପ ବିଚରାଟି
କାମୁଡ଼ି ମାଟି ।

ଉଡ଼ି ବୁଲୁଥାଏ
ପ୍ରଜାପତିଟାଏ
ଚକର କାଟି,
ଶିକାର ଧରିବା
ଆଶାରେ ଆସୁଛି
ବୁଢ଼ା ବେଙ୍ଗଟି ।

ଡେଇଁ ଡେଇଁ ବେଙ୍ଗ
ଧଣ୍ଡ କୁଣ୍ଡଳୀରେ
ବସିଲା ମାଡ଼ି,
ଚାହୁଁ ଚାହୁଁ ସାପ
ଧରିନେଲା ତାକୁ
ପାଟିରେ ଭିଡ଼ି ।

ବେଙ୍ଗ ପଛ ପଟ
ସାପର ପାଟିରେ,
ପାଟି ବେଙ୍ଗର
ଡାକ ଛାଡୁଥିଲା
ପରାଣ ବିକଳେ
କେଁ କଟର

ପରଜାପତିଟି
ବେଙ୍ଗ ମୁହଁ ଦେଇ
ଯାଉଛି ଉଡ଼ି,
ଜିଭକୁ ବଢ଼ାଇ
ବେଙ୍ଗ ତାକୁ ବଳେ
ଆଣିଲା ଭିଡ଼ି ।

ଲୋଭ ଲାଗି ସିନା
ବହୁ ଜୀବଙ୍କର
ଜୀବନ ଯାଏ,
ଆମେ କି ଏଥିରୁ
ଶିଖିବାନି କିଛି
କହ, ପିଲାଏ ?

ଲୋକପ୍ରିୟ ଲେଖା

To Top