ଆପଣଙ୍କ ବ୍ରାଉଜରରେ ଏହି ସୁବିଧା ଉପଲବ୍ଧ ନାହିଁ।
ଦକ୍ଷ କନ୍ୟା ଆଗୋ ମୋନାଲିସା
ଶିବ – ପ୍ରିୟା ତମେ ପ୍ରତିଟି
ଜନ୍ମେ,
ରୁଦ୍ରାକ୍ଷ – ଶୋଭିତା ଆଗୋ ଗିରିଶୁତା
ନୀଳ ନୟନା ଗୋ ତମ ହାସ୍ୟ, ଲାସ୍ୟ
ଶ୍ୟାମଳ ବନାନୀ ଅଂକେ
ଦମିନୀ ଯେହ୍ନେ ।
ଅମୃତ କଳସ ଧରିଥିଲ ଅବା
ତମ ମୃଣାଳ ଲତିକା
ଅଳସ ହସ୍ତେ,
ଅମୃତ ଆଶାୟୀ ଶତେକ ତୃଷାର୍ତ୍ତ
ପିଇ ଚାଲିଥିଲେ ଵିନ୍ଦୁ ବିଂଦୁ ସୁଧା
ସତେ କି ପ୍ରୟାଗରାଜର
ପବିତ୍ର ପ୍ରାନ୍ତେ ।
ଲୋଡୁ ଥିଲେ ସର୍ବେ ତମ
ସାନ୍ନିଧ୍ୟ, ଆଗୋ ମଧୁସ୍ତାବୀ
ମୋହିନୀ ଲିସା,
ନବ କଳିକା ଗୋ, ଚକୋରୀ ଚନ୍ଦ୍ରିକା
ଲଜ୍ୱାବତୀ ରମ୍ଭା ମନୋରମା ତମ
ତନୁରେ ଛୁଟୁଛି ରୂପର ବନ୍ୟା
ଆଗୋ ମୋନାଲିସା ……
