ଆପଣଙ୍କ ବ୍ରାଉଜରରେ ଏହି ସୁବିଧା ଉପଲବ୍ଧ ନାହିଁ।
ପ୍ରତିଶ୍ରୁତି ଦେଇଥିଲ ମୋତେ
ମୋ ଅଝଟ ପଣକୁ ବୁଝେଇ
ଗଢ଼ିଦେବ ସୁନାଚାନ୍ଦ
ରୂପାର ନଗରୀ
ଖାଇବାକୁ ଘିଅ ମହୁ
ପିନ୍ଧିବାକୁ ପାଟ ପିତାମ୍ୱରୀ
ଆଶିବ ନିଶ୍ଚୟ
ମୋ ଓଠରେ ଓଠ ଥାପି
ସରାଗରେ ସ୍ନେହ ଢାଳି ଦେବ ।
ବର୍ଷ ଆଉ ମାସ
ସମୟର ଅନେକ ମୁହୂର୍ତ୍ତ-ଯାଇଛନ୍ତି ଚାଲି
ଆକାଶରୁ ମେଘ
ଗଛରୁ ପତର
ଛୁଇଁଛନ୍ତି ବେଳାଭୂଇଁ-ଅନେକ ଜୁଆର
ଦିଗ୍ବଳୟ କେତେ ଯେ ସୂର୍ଯ୍ୟାସ୍ତ
ଆମେ ସବୁ ଚାହିଁଅଛୁ
ଅନେକ ଦିନରୁ-ରାତି ପରେ ଆସୁଥିବା
ସକାଳର ସୂର୍ଯ୍ୟଙ୍କୁ ଅନେକ ମଣିଷ ।

aravinda das
February 7, 2017 at 4:46 pm
sundar