ଆପଣଙ୍କ ବ୍ରାଉଜରରେ ଏହି ସୁବିଧା ଉପଲବ୍ଧ ନାହିଁ।
ଅନାଲରୁ ସୃଷ୍ଟ ମା ଗୋ ଅଯୋନି ସମ୍ଭୁତା ।
ତବ ଆଗମନେ ସୃଷ୍ଟି ହୁଅଇ ନନ୍ଦିତା ,
ଭୂମି ଭୂମା ଇଟ୍କୁଣ୍ଠିତ ସତୃଷ୍ଣ ନୟନେ ।
ଲଭିବାକୁ ଅନୁକମ୍ପା ତବ ଦରଶନେ,
ହେ ଜଗତମାତା
ଜଗତ କଲ୍ୟାଣ ପାଇଁ ହୁଅ ଆବିର୍ଭୁତା ।
ଯା ଦେବୀ ସର୍ବ ଭୂତେଷୁ ମାତୃ ରୂପେଣ ସଂସ୍ଥିତା ।।
ଅସମୟେ ଆବିର୍ଭୁତା ବିଟୋଳ ନାସିନୀ ।
କମଳ ନୟନେ ତୋଷ କମାଲ ନୟନୀ,
ମାତୃସଂସ୍ଥା ପନାର୍ଥାୟେ ରୂପ ତୋ ବହୁଧା ।
ଅବଳା ଦୂର୍ବଳା ନୁହେଁ ଅଟେ ସ୍ୱୟଂସିଦ୍ଧା,
ଦେବୀ ଶୈଳସୂତା
ବିଜୟ ତିଳକ ଦେଲ ଦଶାନନେ ହନ୍ତା
ଯାଦେବୀ ସର୍ବ ଭୂତେଷୁ ମାତୃ ରୂପେଣ ସଂସ୍ଥିତା ।।
ଦେବ ଦୁର୍ଗତି କାଳରେ ଦୂରିତ ନାଶିନୀ ।
ମହିଷା ମର୍ଦ୍ଧିଲୁ ମା’ଗୋ ତୁ ସିଂହବାହିନୀ,
ଷଡ଼ରୀପୂ କ୍ଷୟକାରି ଅଭୟ ଦାୟିନୀ ।
ଶାରଦା ବରଦା ମା ଗୋ ପ୍ରକୃତି ରୂପିଣୀ,
ତୁ ହିଁ ଆଦି ମାତା
ଯୁଗେ ଯୁଗେ ବିଶ୍ୱପ୍ରାଣେ ହୁଅ ସୁପୂଜିତା ।
ଯା ଦେବୀ ସର୍ବଭୂତେଷୁ ମାତୃ ରୂପେଣ ସଂସ୍ଥିତା ।।
