ଚତୁରତା ଗୁଣ କାଉଠାରୁ ଶିଖି
ଜଳଠାରୁ ପ୍ରସନ୍ନତା ,
ପବନ ଶିଖାଏ ସମତାର ଭାବ,
ଜହ୍ନଠାରୁ ଶୀତଳତା ।
ବସୁମତୀ ଠାରୁ ସହନଶୀଳତା
ସୂର୍ଯ୍ୟଠାରୁ ତତ୍ପରତା,
ଗୁରୁଜନଠାରୁ ନାରିକେଳ ଗୁଣ,
ବୃକ୍ଷଠାରୁ ଉପକାରିତା ।
ମହୋଦଧିଠାରୁ ବିଶାଳହୃଦୟ
ପିମ୍ପୁଡିଠୁ ସକ୍ରିୟତା,
ଘଣ୍ଟାଠାରୁ ସମୟର ବ୍ୟବହାର
ଆକାଶଠୁ ଉଦାରତା ।
ଗୀତାଠାରୁ ଜୀବନର ଦରଶନ
ନିମ୍ଵଠାରୁ ପିତା ଗୁଣ,
କୁକୁରଠୁ ହେବା ବିଶ୍ୱାସ ଭାଜନ
ଲତାଠୁ ନରମ ପଣ ।
ସାରା ଜଗତରେ ସବୁଠି ରହିଛି
କିଛି ନା କିଛି ସୁଗୁଣ,
ସେ ସବୁକୁ ଶିଖି ଆଗେଇ ପାରିଲେ
ସାର୍ଥକ ହେବ ଜୀବନ ।
