ଆପଣଙ୍କ ବ୍ରାଉଜରରେ ଏହି ସୁବିଧା ଉପଲବ୍ଧ ନାହିଁ।
ସମୟ ଆଜି ବି ପଚାରେ ମୋତେ
ହସିଛି କେତେ ମୁଁ କାନ୍ଦିଛି କେତେ
କାନ୍ଦିବାଟା ସିନା ଦୁନିଆ ଦେଖିନି
ହେଲେ ସମୟ ତୁ ତ ଦେଖିଛୁ
ହସି ହସି ମୁଁ କାନ୍ଦିଛି କେତେ !
ବୟସ ଆଜି ବି ପଚାରେ ମୋତେ
ହାରିଛି କେତେ ମୁଁ ଜିତିଛି କେତେ
ହରିବାଟା ସିନା କେହି ବି ଜାଣିନି
ହେଲେ ବୟସ ତୁ ତ ଜାଣିଛୁ
ଜିତି ଜିତି ମୁଁ ହାରିଛି କେତେ !
ମୋ ମନ ଆଜି ପଚାରେ ମୋତେ
ପାଇଛି କେତେ ମୁଁ ଦେଇଛି କେତେ
ଦେବା ଟା ସିନା ଦୁନିଆ ଦେଖିନି
ହେଲେ ମନ ତୁ ତ ଜାଣିଛୁ
ଦେଇ ଦେଇ ମୁଁ ପାଇଛି କେତେ !
ଜୀବନ ଆଜି ବି ପଚାରେ ମୋତେ
ବଞ୍ଚିଛି କେତେ ମୁଁ ମରିଚି କେତେ
ବଞ୍ଚିବା ଟା ସିନା ସମୟ ଦେଖିଛି
ହେଲେ ଜୀବନ ତୁ ତ ଜାଣିଛୁ
ବଞ୍ଚି ବଞ୍ଚି ମୁଁ ମରିଚି କେତେ !
Ankita
April 19, 2017 at 12:08 am
Very nice poem Bidyut.
Binay Mohapatra
April 17, 2017 at 7:44 pm
Hrudayasparshi kabita tie