କବିତା

ମଧୁଶାଳା

Prasanta Kumar Behera's odia poem Madhushaalaa

ସେ ଦୁଇ ଓ଼ଠୁ
ସୁଧା ଝରୁଅଛି
ମୁଁ ଚାତକ ତୃଷା ଅଧୀର ।

ସେ ଦୁଇ ନୟନରେ
ମୋ’ରି ସପନ
ମୁଁ ଦେଖୁଛି ରାତିସାରା,

ସେ କଳା କୁନ୍ତଳରେ
ମୋ’ରି କବିତା
ଶୀର୍ଷକ ” ନୟନତାରା ” ।

ସେ ନାଲି ଓଢଣୀ
ତଳ ଜବାଫୁଲ
ବାସ୍ନା ତା ଅମୁଲ ମୁଲ,

ସେ ଦୁଇ ଓ଼ଠୁ
ସୁଧା ଝରୁଅଛି
ମୁଁ ଚାତକ ତୃଷା ଅଧୀର ।

ସେ କରପଲ୍ଲବରେ
ଝୋଟିଚିତା
ତମେ ଆଙ୍କିଅଛ ପ୍ରେମ ରାଗେ,

ସେ ଦୁଇ ଭ୍ରୂଲତା
କନ୍ଦର୍ପ ଧନୁ
କଟାକ୍ଷ ନାରାଚ ହୃଦୟ ବିନ୍ଧେ ।

ସେ ଦୁଇ ନୟନେ
ମୋ’ରି ସପନ
ସରିବନି, ଆଗୋ ମୋ ନୟନ ତାରା,

ସେ ଦୁଇ ଓଠୁ
ମଧୁର ଝରଣ
ସରିବନି, ଅସରା ସେ ମଧୁଶାଳା ।

ଲୋକପ୍ରିୟ ଲେଖା

To Top