କବିତା

ପ୍ରେମର ଗଙ୍ଗା

Prafulla Tripathy's Odia Poem PREMARA GANGAA

ଏଇ ଆକାଶରେ ସୂର୍ଯ୍ୟଚନ୍ଦ୍ର ତାରା
ଯେତେ ଦିନ ଯାଏ ଥିବ
ଯାହା ହେଉ ପଛେ ମଣିଷ ଅନ୍ତରେ
ପ୍ରେମ ଗଙ୍ଗା ଝରୁଥିବ ।

ପ୍ରେମର ଗଙ୍ଗା

ଏଇ ଆକାଶରେ ସୂର୍ଯ୍ୟଚନ୍ଦ୍ର ତାରା
ଯେତେ ଦିନ ଯାଏ ଥିବ
ଯାହା ହେଉ ପଛେ ମଣିଷ ଅନ୍ତରେ
ପ୍ରେମ ଗଙ୍ଗା ଝରୁଥିବ ।

ଭଲ ପାଇବାରେ କିଛି ଭୁଲ୍ କିଛି
ପ୍ରତାରଣା ରହିଥିବ
ବିରହ ଅଙ୍ଗାରେ ପ୍ରିୟା ନାଆଁ ଲେଖି
କେହି ବି ତ ଝୁରୁଥିବ
ତଥାପି ଅକ୍ଷୟ ଅମର ପ୍ରେମର. . .
ସଙ୍ଗୀତ ଶୁଭୁଥିବ ।

କିଛିଟା କଳଙ୍କ କିଛି ନିନ୍ଦା ଆଉ
ଅପବାଦ ଲାଗିଥିବ
କାହାରି କାହାରି ପ୍ରେମ ପାଇଁ କିଛି
ସ୍ୱାର୍ଥ ବି ରହିଥିବ
ତଥାପି ତ ଏଇ ଦୁନିଆଁରେ ପ୍ରେମ
ଚିର ଅମଳିନ ଥିବ ।

ପ୍ରକାଶିତ ହୋଇଥିବା ଲେଖିକା/ଲେଖକଙ୍କ ତାଲିକା

ଲୋକପ୍ରିୟ ଲେଖା

To Top