କବିତା

ସଂଜର ଛାପ

Ashok Biswal's odia poem Mana Aakaashara Jahna

ଡର ନାହିଁ ତୁମେ
ଛାଡ଼ି ଯିବି ନାହିଁ ତୁମକୁ ତ କେବେ
ସାରା ଜୀବନ ସାଙ୍ଗେ ଚାଲୁଥିବି ।

ସଂଜର ଛାପ

ସଂଜ ଆସିଲେ
ଥୟ ହୋଇପାରେ ନାହିଁ
ଛୁଟି ଆସେ ତୁମର ପାଖକୁ
ତୁମର ହସ ଟିକିଏର ପାଇଁ
ତୁମ ଅଧରକୁ ଚୁମିବା ପାଇଁକି
ଲୁଚି ଛୁଟି ଆସେ
ଅଜଣାରେ ସମସ୍ତଙ୍କ ।

ତୁମର ପାଖକୁ
ସଂଜ ସହ ମୁଁ ଆସିଯାଏ
କାଲି ସକାଳେ ତୁଷାର ଆସିବ
ସମସ୍ତେ ଜାଣିନେବେ ମୋର ଆସିବାଟା
ସକାଳେ ଯେବେ ମୁଁ ଫେରିବି
ଆମ ଅନ୍ତରଙ୍ଗ କଥା ଜାଣିବେ ସମସ୍ତେ ।

ତୁଷାରରେ ପାଦ ଛାପ ପଡ଼ିଥିବ
ଆଉ କିଛି ଲୁଚିବ ତ ନାହିଁ
ସମସ୍ତେ ଜାଣିବେ ମୋର ଆସିବାଟା
ଜାଣନ୍ତୁ ସମସ୍ତେ
ହୃଦୟର ସହ ତୁମକୁ ପ୍ରେମ ଯେ କରୁଛି
ଆବିଳତା ନାହିଁ ବି ଟିକିଏ ।

ଡରି ଯାଉଛକି ତୁମେ
ତୁଷାରରେ ପାଦର ଛାପ ମୋ ପ୍ରେମର ପ୍ରତୀକ
ଜାଣନ୍ତୁ ସମସ୍ତେ
ତୁମେ ମୋ ହୃଦୟରେ ଅଛ
ଆଉ ସେଠି କେହିତ ନାହାନ୍ତି ।

ଡର ନାହିଁ ତୁମେ
ଛାଡ଼ି ଯିବି ନାହିଁ ତୁମକୁ ତ କେବେ
ସାରା ଜୀବନ ସାଙ୍ଗେ ଚାଲୁଥିବି ।

(ଷଷ୍ଠ ଦଲାଇଲାମାଙ୍କ ତରୂଣ ଜୀବନର ଭାବନା ଏ କବିତାମାନଙ୍କରେ କିଛି ମାତ୍ରାରେ ପ୍ରତିଫଳନ କରାଯାଇଛି । ସେ ଅରୂଣାଚଳ ପ୍ରଦେଶର ତାୱାଙ୍ଗ ଅଂଚଳରେ ଜନ୍ମ ଗ୍ରହଣ କରିଥିଲେ ଏବଂ ପରେ ତାଙ୍କୁ ଷଷ୍ଠ ଦଲାଇଲାମା ଭାବରେ ଅଭିଷିକ୍ତ କରାଯାଇଥିଲା । ତରୁଣ ବୟସରେ ସେ ସଂସାରରୁ ବିଦାୟ ନେଇଥିଲେ । )

ଲୋକପ୍ରିୟ ଲେଖା

To Top