ଆଖି ଖୋଲିଲେ,
ଆଖି ବୁଜିଲେ,
ଆଖି ଆଗେ ଆସ ତୁମେ ।
ହସି ହସି ଯାଅ,
ଭାସି ଭାସି ଯାଅ,
ନିଦ ମୋ ଭାଙ୍ଗି ଯାଅ ତୁମେ ।
ତୁମ ଆଡୁ ଯେବେ ମୁହଁ ଫେରି ନିଏ,
ହସ ଲୁଚି ଯାଏ,
ଝାଉଁଳି ଯାଅ ତୁମେ ।
ବାହୁଖୋଲି ଡାକ,
ପାଖକୁ ମୋ ଆସ,
ପାସେ ଗଲେ ଖସିଯାଅ ତୁମେ ।
ପଣତ ଆଳେ ଦେଖ,
ନୟନ ଠାରେ ଡାକ,
ଛୁଇଁ ଦେଲେ ହଜିଯାଅ ତୁମେ ।
ଦୂର ସେଫାଳି,
ମହକ ଭଳି,
ଜଳାଅ ମତେ ତୁମେ ।
ମୁଁ ଜଳି ଜଳି ମରେ,
ଭିଜି ଲୁହ ଧାରେ,
ସେ ଲୁହରେ ବି ଥାଅ ତୁମେ ।
ଶୋଇଯାଅ ଯେବେ,
ନିଘୋଡ଼ ଦିଦରେ,
ବେଣୀ ଛାଟିଯାଅ ତୁମେ ।
ନିଦରୁ ଯେବେ ଉଠେ,
ନିଜକୁ ଏକା ପାଏ,
ଅଦୃଷ୍ଟ ରାଇଜେ ଉଭେଇ ଯାଇଥାଅ ତୁମେ ।
ଘନ କଳା ମେଘେ,
ଉଦିତ ଜହ୍ନଟେ ପରି,
ଖେଳାଅ ଜ୍ୟୋତି ତୁମେ ।
କେବେ ଦେଖା ଦିଅ,
କେବେ ବୁଡ଼ିଯାଅ,
ମନେ ଆଙ୍କିଯାଅ ଛବିଟେ ତୁମେ ।
