କବିତା

କାହାକୁ ସୁନ୍ଦର କିଏ

Sumitra Roul's odia poem Kaahaaku Sundara Kie

ଆକାଶ ବକ୍ଷରେ ସୁରୁଯ ସୁନ୍ଦର
ସୁରୁଯେ ସୁନ୍ଦର ଜ୍ୟୋତି,
ଆଈକୁ ସୁନ୍ଦର ପାକୁଆ ପାଟିରେ
ଅଜାଙ୍କ କୋଳରେ ନାତି ।

କାହାକୁ ସୁନ୍ଦର କିଏ
ଆପଣଙ୍କ ବ୍ରାଉଜରରେ ଏହି ସୁବିଧା ଉପଲବ୍ଧ ନାହିଁ।

ସାଗର ଗର୍ଭରେ ଶାମୁକା ସୁନ୍ଦର
ଶାମୁକା ଭିତରେ ମୋତି ,
ମେଘ ଆକାଶରେ ବିଜୁଳି ସୁନ୍ଦର
ବିଜୁଳି ଦେହରେ ତାତି ।

ଆକାଶ ବକ୍ଷରେ ସୁରୁଯ ସୁନ୍ଦର
ସୁରୁଯେ ସୁନ୍ଦର ଜ୍ୟୋତି,
ଆଈକୁ ସୁନ୍ଦର ପାକୁଆ ପାଟିରେ
ଅଜାଙ୍କ କୋଳରେ ନାତି ।

ମାଆର କୋଳକୁ ଶିଶୁ ତ ସୁନ୍ଦର
ଶିଶୁର ମୁହଁରେ ହସ ,
ଓକିଲ ବାବୁଙ୍କୁ କଳାଜାମା ମାନେ
ପୁଲିସ୍ ବାଲାକୁ ନିଶ ।

ଧରଣୀ କୋଳରେ ଜଙ୍ଗଲ ସୁନ୍ଦର
ଜଙ୍ଗଲରେ ପଶୁ ପକ୍ଷୀ ,
ଘରକୁ ସୁନ୍ଦର ଦିଶଇ ଘରଣୀ
ସଖାକୁ ସୁନ୍ଦର ସଖୀ ।

ଗଛକୁ ସୁନ୍ଦର ନାନା ଫୁଲ ଫଳ
ଫୁଲକୁ ସୁନ୍ଦର ବାସ୍ନା,
ରାତିକୁ ସୁନ୍ଦର ଅନ୍ଧାର ସଜନୀ
ଜହ୍ନକୁ ସୁନ୍ଦର ଜ୍ୟୋସ୍ନା ।

ମଥାରେ ସିନ୍ଦୁର ଲାଗଇ ସୁନ୍ଦର
ହାତକୁ ସୁନ୍ଦର ଚୁଡି ,
ମନ୍ଦିର ଭିତରେ ଠାକୁର ସୁନ୍ଦର
କାନ୍ଥକୁ ସୁନ୍ଦର ଘଡି ।

1 Comment

1 Comment

  1. ଅଧ୍ୟାପକ ଶୁଶାନ୍ତ ପୁରୋହିତ

    ସୁଶାନ୍ତ ସାର

    July 10, 2017 at 5:10 pm

    ” ଶ୍ରୀମତୀ ସୁମିତ୍ରା ଙ୍କ କବିତା ” କାହାକୁ ସୁନ୍ଦର କିଏ ” ପଢି ଅତ୍ୟନ୍ତ ଆନନ୍ଦ ଅନୁଭୂତ ହେଲା । କବିତା ଟି ଖୁବ ଭାବମୟ ଭାଷା ତଥା ସଠିକ ଜାଗା ରେ ସଠିକ ଶବ୍ଦ ତଥା ତୁଳନା ସହ ରହିଥିବାରୁ ଓ କବିତା ଲିଖନ ର ମୌଳିକ ଶୈଳୀ କୁ ଅକ୍ଷୁର୍ଣ ରଖି ଲେଖା ଯାଇଟିଯିବାରୁ ଏକ ମୂଲ୍ୟବାନ କୃତି ବୋଲି କୁହାଯାଇପାରେ । କବିତା ରେ ବିଶେଷ ଭାବରେ ଆକର୍ଷଣୀୟ ଲାଗେ ନିମ୍ମ ସ୍ଥ ପାରା ଟି ,
    “ମାଆର କୋଳକୁ ଶିଶୁ ତ ସୁନ୍ଦର
    ଶିଶୁର ମୁହଁରେ ହସ ,
    ଓକିଲ ବାବୁଙ୍କୁ କଳାଜାମା ମାନେ
    ପୁଲିସ୍ ବାଲାକୁ ନିଶ ।”
    କେତେ ଭାବନା କଳ୍ପନା ସହ କବୀୟତ୍ରୀ ଏହା ଯୋଡ଼ିଛନ୍ତି !!!! ଚମତ୍କାର !!!!!!
    ଗୋଟିଏ କଥା ତେବେ ମନକୁ ଆସେ , କବିତା ଟି ଆଉ ଟିକିଏ ବଡ ହେଇଥିଲେ ଆହୁରି ଆକର୍ଷକ ହେଇଥାନ୍ତା । ତୁଳନା କରିବାକୁ ଆହୁରି ସୁନ୍ଦର ବସ୍ତୁ ପୃଥିବୀ ରେ ଭରିଛି ଜେ ,, ଆମ ଚାରିପଟେ ଘେରିଛି ଜେ !!! ଭାବିଲେ ଆହୁରି ବହୁତ ବାହାର କରି ହେବ ।

ପ୍ରକାଶିତ ହୋଇଥିବା ଲେଖିକା/ଲେଖକଙ୍କ ତାଲିକା

ଲୋକପ୍ରିୟ ଲେଖା

To Top