ଆପଣଙ୍କ ବ୍ରାଉଜରରେ ଏହି ସୁବିଧା ଉପଲବ୍ଧ ନାହିଁ।
ଆମେରେ ପଢ଼ିବା ଆମେରେ ବଢ଼ିବା
ଭୁଲିବାନି ଦେଶ ମାଆକୁ
ପାଠଶାଠ ପଢ଼ି ବଡ଼ ଲୋକ ହୋଇ
ଟେକିବା ତାହାର ମଥାକୁ ।
ଭାଇ ଭଉଣୀଏ ଫୁଲ ପରି ଆମେ
ବିତରିବା ଆମ ବାସକୁ
ଜାତି, ଧର୍ମ, ଭାଷା ଊର୍ଦ୍ଧ୍ଵରେ ରହିକି
ଆଗେଇ ନେବାରେ ଦେଶକୁ ।
ଅନ୍ୟାୟ, ଅଧର୍ମ, ଅନୀତି ଆଦିକୁ
ଲିଭାଇବା ଦେଶ ମାଟିରୁ
ଦେଶ ଶତ୍ରୁଠାରେ ନଇଁବନି ମୁଣ୍ଡ
ଅଲଗା ହେଲେ ବି ଗଣ୍ଡିରୁ ।
ଭାଇ ଭଉଣୀଏ ଆସ, ଆସ, ମୋର
କରିବା ଶପଥ ଏକାଠି
ଦେଶ ମା’କୁ ନେଇ ଗର୍ବ କରିବାରେ
ରହିଲେ ବି ଯିଏ ଯେଉଁଠି ।
ସଦାବେଳେ ଭଲ ଆଚରଣ କରି
ସତ୍ୟ ବଚନ ହିଁ କହିବା
ନାରୀଙ୍କୁ ଉଚିତ ସମ୍ମାନ ଦେଇକି
ରାମ ରାଜ୍ୟ ଆମେ ଗଢ଼ିବା ।
