ଏ ସମୟ କ’ଣ ବଦଳିବନି ?
ପାସୋରି ଯାଇଥିବା ସ୍ବପ୍ନ,
ହଜିଯାଇଥିବା ଆକାଂକ୍ଷା
କ’ଣ ଆଉ ଫେରି ଆସିବନି ?
ଏ ସମୟ କ’ଣ କେବେ ବଦଳିବନି ?
ଝାଡୁଯାଇଥିବା ଫୁଲ ଆଉ
ଶୁଖିଯାଇଥିବା ପତ୍ର ପରି
କ’ଣ ତାର ଅସ୍ଥିତ୍ୱ ସେହିପରି ରହିଯିବ ?
ଏ ସମୟ କଣ ବଦଳିବନି ?
ମନରେ ନୂଆ ଲକ୍ଷ୍ୟ,
ଜୀବନରେ ନୂଆ ଆଶା,
ଜାଗ୍ରତ ହେବ କଣ ବିଡମ୍ବନା ମାତ୍ର ?
ଏ ସମୟ କ’ଣ ବଦଳିବନି ?
ମନ ର ସେ ଜିଜ୍ଞାସା,
ଉଙ୍କି ମାରିଥିବା ପ୍ରଶ୍ନ,
କ’ଣ ନିରୁତ୍ତର ହୋଇ ରହିଯିବ?
ଏ ସମୟ କ’ଣ ବଦଳିବନି?
ହଜିଯାଇଥିବା ସ୍ମୃତି,
ଅଛିଣ୍ଡା ସେ ସମ୍ପର୍କ,
କ’ଣ ଅଦୃଶ୍ୟ ଲହଡି ପରିଟିକେ ମାଡିଆସନ୍ତାନି?
ଏ ସମୟ କ’ଣ ବଦଳିବନି ?
