ଆପଣଙ୍କ ବ୍ରାଉଜରରେ ଏହି ସୁବିଧା ଉପଲବ୍ଧ ନାହିଁ।
ମୁଁ ଜାଣେ, ତୁମେ ନିଶ୍ଚୟ ଆସିବ
ଏ ଧରାରୁ ମୋତେ ନିଶବ୍ଦ ପାଲିଙ୍କିରେ ନେଇଯିବ
ଆତ୍ମୀୟ ସ୍ୱଜନ ଧୋଉଥିବେ ମୋତେ
ସେମାନଙ୍କ ନୟନ ବାରିରେ
ତୁମେ ଆସିବାର ପ୍ରତ୍ତିଜ୍ଞାରେ
ମୁଁ ଶୋଇଥିବି ନିଶବ୍ଦ ନିଶ୍ଚଳ ମୁଦ୍ରାରେ ॥
ସ୍ତ୍ରୀ ପୁଅ ଝିଅ ଆତ୍ମୀୟ ସ୍ୱଜନ କାନ୍ଧୁଥିବେ କଇଁ କଇଁ
୧୨-୧୩ ଦିନ ଗଲେ ଧୀରେ ଧୀରେ ସବୁ ଯିବ ଧୋଇ
ଖୋଜାପଡୁଥିବ ମୋର ବ୍ୟାଙ୍କ ଖାତା ଖତିଆନ
ହେଉଥିବ ଅର୍ଜିତ ଧନ ସମ୍ପତିର ଭାଗ
ଶୂନ ଶାନ ଶ୍ମାଶନର ନିରବ ଯୁଇରେ
ପଡ଼ିଥିବ ମୋର ପାଉଁଶ ||
ମଦିରା ପାନ ବେଳେ
ମନେ ପକାଇବେ ସାଙ୍ଗ ମାନେ
ମୋରି ନାଁ ରେ “cheers” କରି ଝୁମିବେ ସେମାନେ ॥
ଯେତେ ଲୁଚି ଛପି ରହିଲେ ବି
ମୁଁ ଜାଣେ ତୁମେ ମୋର ଅତି ଆପଣାର
ତୁମ ସାଥି ପାଇଗଲେ ଥରେ
ଛେଦି ପାରିବନି ଆଉ କୋଉ ଅସ୍ତ୍ର ଶସ୍ତ୍ର ॥
ମୃତ୍ୟ , ତୁମେ ମହାକାଳ
ତୁମରି ପାଇଁ ତ ଏ ମୋହ ମାୟା ଆଉ ଧନ ରତ୍ନର ସଂସାର
