ନାହିଁରେ ନାହିଁ ଓଡ଼ିଶା ପରି
ରାଇଜ କାହିଁ ନାହିଁ
ଏଇ ରାଇଜ ମହକ ଯାଏ ସବୁରି ମନ ଛୁଇଁ ।
ଏଇ ରାଇଜେ ବଡଠାକୁର
ବଡ ଦେଉଳେ ଉଭା
ମହୋଦଧୀର ଉଦୟ ସୂର୍ଯ୍ୟ ବିକଶେ ସ୍ନିଗ୍ଦଆଭା
ଏଇ ମହକ କରେ କୁହୁକ ବନ ପାହାଡ ଛୁଇଁ ।
ଜନମ ନେଲେଏଇ ମାଟିରେ କେତେ ଯେ ଶୂର ବୀର
ଦେଶ ଭକତ ଦେଲେ ରକତ ନଇଁଲେ ନାହିଁ ଶିର
ନଦୀ ଝରଣା ଯାଆନ୍ତି ବହି
କୁଳୁକୁଳୁ ଗୀତ ଗାଇ ।
ଏଇ ରାଇଜେ ଚିଲିକା ହ୍ରଦ କେତେ ଯେ ଶୋଭାବନ
କୋଣାରକର ପଥର ମୂର୍ତ୍ତି ଉଚ୍ଚାଟ କରେ ମନ
ଶ୍ୟାମ ସୁନ୍ଦର ମୋ ମାଟି ମାଆ ତୁଳନା ତାର ନାହିଁ ।
ଓଡିଆ ଗୀତ ଓଡିଶୀ ନାଚ ଆଦିବାସୀର କଥା
ସାଇତିଛି ସେ ଅମର ସ୍ମୃତି ବୀର କଳିଙ୍ଗ ଗାଥା
ଆମେରେ ସବୁ ସନ୍ତାନ ତାର
କେବେ ହାରିବା ନାହିଁ ।
