ଆପଣଙ୍କ ବ୍ରାଉଜରରେ ଏହି ସୁବିଧା ଉପଲବ୍ଧ ନାହିଁ।
ଟିକେ ଚୁଲ୍ବୁଲାପଣ
ଟିକେ ଖୁସମିଜାଜ୍
ଟିକେ ଗେହ୍ଲା ଗେହ୍ଲା ଭାବ
ଆଉ ଠିକ୍ ଠିକ୍ ବୋଲି ମାନିଲେ
ସୁନା ଝିଅଟିଏ ହୋଇପାରିବ ।
ସ୍ତ୍ରୀ ହେବା ପାଇଁ ଲୋଡ଼ା
ସୁନ୍ଦର ଶରୀର, ବଢ଼ିଆ କୁକ୍
ଆଉ ଅନେକ ସମୟରେ
ବଳାତ୍କାରକୁ ପ୍ରେମ ବୋଲି
ସ୍ୱୀକାରି ନେବା ।
ଭଲ ବୋହୂଟିଏ ହେବାକୁ ଇଚ୍ଛା ତ
ମୁଣ୍ଡରେ ଓଢ଼ଣା ଟାଣି
ଉଁ ଚୁଁ କରୁ ନ ଥିବା
ଚାବିଦିଆ କଣ୍ଢେଇ ହୋଇଯାଅ,
ଆଉ ପଡ଼ିରୁହ
ତୁଠ ପଥର ବା ଡୋର୍ ମ୍ୟାଟ୍ ହୋଇ ।
ଏସବୁ ତମେ ହୋଇପାରିବ ନାରୀ
କିନ୍ତୁ ଜାଣିଛ କି
ଛାତିକୁ ପଜେଇବାକୁ ହୁଏ ହୀରାରେ
ଲୋଡ଼ା ହୁଏ ଅଜସ୍ର ତପସ୍ୟା
କରିବାକୁ ହୁଏ ଅନ୍ତହୀନ ପ୍ରତୀକ୍ଷା
ପ୍ରୀତିକୁଞ୍ଜରେ ଦେବାକୁ ହୁଏ
ବାରମ୍ୱାର ଅଗ୍ନି ପରୀକ୍ଷା
ପ୍ରେମିକା ହେବାକୁ ହେଲେ ।
Binay Mohapatra
March 9, 2018 at 6:30 pm
ପୁରୁଷ ପ୍ରଧାନ ଆମ ସମାଜର ନଗ୍ନରୂପ, ଖୁବ୍ ସୁନ୍ଦର ଲେଖିଛନ୍ତି