ସମୟର ଏକ ଚିହ୍ନା ବେଳାରେ
ଏମିତି କେମିତି ଅଚିହ୍ନା ହେଲ
ଭସେଇ ଥିବା ସ୍ମୃତି କାଗଜ ଡଙ୍ଗା
ଅଧା ବାଟେ କାହିଁ ବୁଡ଼େଇ ଦେଲ
ସାକ୍ଷୀ କହେ କିଛି କୋହ ଟୋପା ଟୋପା ବର୍ଷା ସାଜି
ବତୁରାଏ ସେ କାଗଜ ଡଙ୍ଗା
କିଛି କାମନା ମୁଠା ମୁଠା ଲାଜ ସାଜି
ଶୋଇ ଯାଏ ତା ବୁକୁରେ
କିଛି ବାସ୍ନା ବୁନ୍ଦା ବୁନ୍ଦା କାକର ହୋଇ
ଲେସି ହୁଏ ତା ଅଧରେ
ବିଚାରା ଡଙ୍ଗା ଅଜାଣତେ ତୃପ୍ତି ପାଇ ଯାଏ
ସୀମାହୀନ ସାଗରେ, ସମୟର ଏକ ଚିହ୍ନା ବେଳାରେ…
ସମୟର ଏକ ଚିହ୍ନା ବେଳାରେ
ଭସେଇ ଥିବା ସ୍ମୃତି କାଗଜ ଡଙ୍ଗା
ଅଧା ବାଟେ କାହିଁ ବୁଡ଼େଇ ଦେଲ
