ଆପଣଙ୍କ ବ୍ରାଉଜରରେ ଏହି ସୁବିଧା ଉପଲବ୍ଧ ନାହିଁ।
ତୋ ପାଇଁ ପ୍ରୀୟା
ବୁଣିଲି ସାତରଙ୍ଗ ସପନ
ସପନ ପଥଧାରେ ସୁନେଲି ସ୍ମୃତିର
ବିବିଧ ବର୍ଣ୍ଣାଳୀ ଆମ ମିଳନର
ଇନ୍ଦ୍ରଧନୁ ସମ ଝଲସାଏ ମୋ ନୟନ
ତୋ ପାଇଁ ପ୍ରୀୟା… … …
ସପନ ଭିତରେ ଅନେକ ସପନ
ଉଙ୍କି ଉଠେ ଠେଲି ବାସ୍ତବ ଲଗନ
ଜୀବନ ମଝିଧାରେ ଏ ସତମିଛର
ତୁଳନା ଭିତରେ ଉର୍ମି ଯା ଦ୍ୱନ୍ଦ୍ୱର
ଟାଣିନିଏ ପ୍ରୀୟା ତୋ ପାଖକୁ ହୃଦମନ
ତୋ ପାଇଁ ପ୍ରୀୟା… … …
ଚେହେରା ଭିତରେ ଅନେକ ଚେହେରା
ମନ ଲୋଡ଼େ ଖାଲି ତୋ ପ୍ରେମର ଧାରା
ମାୟାର ସଂସାରେ ଏକା ତୁହି ସତ
ଲାଗେ ପ୍ରୀୟା ବାକି ଆଉ ସବୁ ତୁଛ
ଭିଡ଼ ଠେଲି ଖୋଜୁଥାଏ ଯେତେ ରାତିଦିନ
ତୋ ପାଇଁ ପ୍ରୀୟା… … …
