ପ୍ରିୟଙ୍କା ପ୍ରିୟଦର୍ଶିନୀ ମିଶ୍ର

ପ୍ରିୟଙ୍କା ପ୍ରିୟଦର୍ଶିନୀ ମିଶ୍ର

ଓଡ଼ିଶାର ସୋନପୁର ଜିଲ୍ଲା ଅନ୍ତର୍ଗତ "କମସରା" ନାମକ ଗ୍ରାମରେ ଭୂମିଷ୍ଠ ହେଲି ୧୯୯୧ ମସିହା, ସେପ୍ଟେମ୍ବର ୨୫ ତାରିଖରେ । ପିତା ହିମାଂଶୁ ଶେଖର ମିଶ୍ର ଓ ମାତା ବିଜୟାସିନୀ ମିଶ୍ର ଶ୍ରଦ୍ଧାନାମ ରଖିଲେ "କୁନ୍‌ମୁନ୍‌" । କମସରାସ୍ଥିତ ବିଦ୍ୟାଳୟରେ ଦଶମ ଶ୍ରେଣୀଯାଏଁ ଅଧ୍ୟୟନ ପରେ ଉଚ୍ଚଶିକ୍ଷା ପାଇଁ ରାଜଧାନୀ ଭୂବନେଶ୍ୱରରେ ପହଞ୍ଚିଲି । +୨ (ବିଜ୍ଞାନ ବିଷୟ) ଗ୍ଲୋରିଅସ ମହାବିଦ୍ୟାଳୟରେ , +୩ (କମ୍ପ୍ୟୁଟର ବିଜ୍ଞାନ ସମ୍ମାନ) ରମାଦେବୀ ମହିଳା ମହାବିଦ୍ୟାଳୟରେ ଓ କମ୍ପ୍ୟୁଟର ଆପଲିକେସନରେ MASTER DEGREE ଉତ୍କଳ ବିଶ୍ୱ ବିଦ୍ୟାଳୟରେ ଅଧ୍ୟୟନ କରିଛି । ମୋତେ ଯେତେବେଳେ ୧୧ ବର୍ଷ ହୋଇଥାଏ, ମୁଁ ଓଡିଆ କବିତା ଲେଖିବା ଆରମ୍ଭ କରିଥିଲି । ମୋର ବାପା, ମା ସମେତ ମୋର ପିଉସୀମାନେ ଓ ବନ୍ଧୁ/ବାନ୍ଧବୀ ମାନେ ସବୁବେଳେ କବିତା ରଚନା ପାଇଁ ମୋତେ ଉତ୍ସାହିତ କରି ଆସିଛନ୍ତି । କବି ସମ୍ରାଟ ଉପେନ୍ଦ୍ର ଭଞ୍ଜ, ସଚ୍ଚିଦାନନ୍ଦ ରାଉତରାୟ ଆଦି ଚିର ସ୍ମରଣୀୟ କବି ଓ ଜ୍ଞାନପୀଠ ପୁରସ୍କାର ପ୍ରାପ୍ତ ଲେଖିକା ପ୍ରତିଭା ରାୟଙ୍କର ସାରସ୍ୱତ ସୃଷ୍ଟି ଗୁଡ଼ିକ ମୋତେ ସବୁବେଳେ ସାହିତ୍ୟ ଭାଷା ଓ ସାହିତ୍ୟ ଆଡ଼କୁ ଆକର୍ଷିତ କରେ । ରମାଦେବୀ ମହାବିଦ୍ୟାଳୟର ବାର୍ଷିକ ପତ୍ରିକା ଓ "ପାଟଣା ସୌରଭ" ପତ୍ରିକାରେ ମୋର କବିତା ଅନେକ ଥର ପ୍ରକାଶ ପାଇଛି । ଓଡ଼ିଆ ସାହିତ୍ୟର କଳେବର ବୃଦ୍ଧିରେ ଯଥା ସମ୍ଭବ ଅବଦାନ ପାଇଁ ମୁଁ ପ୍ରତିଶ୍ରୁତିବଦ୍ଧ ।

Posts By ପ୍ରିୟଙ୍କା ପ୍ରିୟଦର୍ଶିନୀ ମିଶ୍ର

More Posts
To Top