ଶୁଣ ଶୁଣ ମୋର ଭାଇ ଭଉଣୀ
ବଖାଣୁଛି ବିଦ୍ୟାଳୟ କାହାଣୀ ।
ପାଠ ପଢ଼ି ହେବା ଜଗତଜିତା
ଏଠି ଅଛି ଆମ ଯେ ନିରାପତ୍ତା ।
ଦେଖରେ ଆମର ସ୍କୁଲ ପାଚେରୀ
ପଶି ପାରିବେନି କେହି ବଇରୀ ।
ତା’ର ପରିବେଶ ସଫା ରଖିବା
ରୋଗ ଜୀବାଣୁକୁ ଦୁରେଇ ଦେବା ।
ଆବର୍ଜନା କୁଣ୍ଡ ଅଛି ଏଇଠି
ମଇଳାକୁ ନେଇ ପକା ସେଇଠି ।
ଦଣ୍ଡ ମୁକ୍ତ ବୋଲି ହୋଇଛି ଲେଖା
ନାଚି ଖେଳି ଆମେ ପାଉଁଟି ଶିକ୍ଷା ।
ନଳ କୂପ ଜଳ ଦେହକୁ ହିତ
ତାକୁ ପିଇ ଗାଉଁ ଜୀବନ ଗୀତ ।
କୃମି ରୋଗ ପୁଣି ଲୌହ ଅଭାବ
ନ ହେବା ପାଇଁକି ଖାଉଁ ଔଷଧ ।
ବିଦ୍ୟାଳୟ ଅଟେ ଆମ ମନ୍ଦିର
ଆଉ କିଛି ନାହିଁ ତା’ଠୁ ସୁନ୍ଦର ।
