ଆପଣଙ୍କ ବ୍ରାଉଜରରେ ଏହି ସୁବିଧା ଉପଲବ୍ଧ ନାହିଁ।
ଆ’ ଯିବା ସେ ପାରିକୁ
କଥା ହେବା ହାଲ୍କା. . . ହାଲ୍କା. . . ହାଲ୍କା. . . ହାଲ୍କା
ତୋର ମୋର ଏକୁଟିଆ
ଜହ୍ନ ଛାପି ଛାପିକିଆ
ସୁଲୁ ସୁଲୁ ପବନର ଝଲ୍କା. . . ଝଲ୍କା. . . ଝଲ୍କା. . . ଝଲ୍କା ।।
ମହ ମହ ମହକୁଛି ସୋରିଷ ଫୁଲର ମିଠା ବାସ୍ନା
ଚହଲୁଛି ନଈପାଣି ଚୁମି ଚୁମି ଯାଏ ନୀଳ ଜ୍ୟୋତ୍ସ୍ନା
ତୋର ନୀଳ କଇଁ ଆଖି
ଦେଖୁଥିବ ରାତି ରାତି
ପଣତର ଛାଇ ତଳେ ଏକା. . . ଏକା. . . ଏକା. . . ଏକା ।।
ମନଫୁଲା ଗୀତ ଗାଇ ନାଉରିଆ ଗଲାଣି ତ ଫେରି
ଅଦୂରରେ ଥିରି ଥିରି ଡାକେ ପୁଣି ବିରହ ମୂରଲୀ
ମନଖୋଲା ମିଠା ଗପ
ସରିବନି ରାତିଯାକ
ନଈପାଣି ହସୁଥିବ ଫୁଲ୍କା ଫୁଲ୍କା ଫୁଲ୍କା ଫୁଲ୍କା ।।
